Presidente Netumbo Nendi-Ndaitwah kageve mfumwa komapenda aga gakondjerere sirongo simanguruke, omu nye kadiworokere ava vadogorokere mevango eli tuna kutumbura asi Cassinga,yahorokerere moAngola momazuva 4 May 1978. ‘’Cassinga ezuva lyedona lyakere omu vanyengi wontundiliro zaSouth Africa ava ngavapangere sirongo esi. Eli kwakere ezuva lyedigu omu vadipagere vahana unzoni vatjwayuki, sinzi kwakere vakadi novanona, kwavahomokerere vahana kuzona Yuma negano asi nampo nayitjindja magano govantu, age kahuyungire nonkango edi mosondaha apa kapwangesere mbudi ezi. 

Ehomokero eli lyaCassinga kwalirugene wosirongo saSouth Africa nonodira vahomokerere Kamba zaSWAPO. Awo kwagazarere asi hawe egano lyaSWAPO ngesi vana lizonagurapo nye kapi yavatompokere, yimo ana kutanta Nandi-Ndaitwah, awo kwavaninkire nye vanyanyene unene nokurwana nye unene nositambo asi vana hara mpora, uyukilili ntani emanguruko. Montumwaraka zendi, Presidente kapandwire Presidente gontoterwa DR, Sam Nujoma, ogu nye nefumadeko asi age kwagendesa mbunga zaswapo ntani vakwayita wombunga zaSWAPO. Gahana utjirwe, nelituromo kutunda Tupu apa vatota mbunga ezi mo 1960 dogoro mo2007. ‘’ Mokupitira nye mompitisili wendi, komeho ntani konyima zemanguruko, edemeneno lyetu kwakere kutameka kunyoka ukoloni ntani yayazire nye ntambo zokunyoka epangero lyoukoloni. Age nye novakwawo vatusiga, mependa vakamarada, ngatuvadiworoka momunene kweyivarugana, mokunyanda ntani kugava eparu lyawo kovantu vaNamibia,’’ yimo ana kutanta. Nujoma kwadogorokere mo 8 February 2025. ‘’ 

Mokudiworoka nye ezuva lyaCassinga omu vadipagere vantu wovanzi, ose twahepa nye kurugana unene omu natukatura nye manifesto zaSWAPO moyirugana, nontambo nadinye depangero vahepa kuyirugana ngoso monomvhura ntano dina kara komeho. Ose kuna lituramo unene mokutjindja eparu lyovantu vetu, nokusikisamo sitambo esi varwililire mapenda gara nomapenda kadi.’ Nandi-Ndaitwaha yimo ngoso ana kutanta. -Nampa