KEETMANSHOOP-Namibia Industrial Development Agency (NIDA) ngesi kuna kutu vadinkantu varugane siruwo esi sokuzangura nokupakera eyi tuna kutumbura asi dates pevango lya Naute irrigation projeka ponze zodoropa zaKeetmanshoop.
Eyi kuyirugana nkenye mvhura. Sinka ntani nye apa vana kupura wosayitunga zaNew Era, mukurona gendesi farama Simon Akwenye katente asi elikwamo eli lyokuzangura nokupakera nodates, kuna pumbwa vantu wokusika ko 350 ava vakara asi kwato yirugana awo hena vadinakntu vatunga momuknda googu vana kara ngesi asi kuna vakutu kampani ezi. Awo kwanyatera malizuvho gomakwedi gane ntani awo kugwana mararo zavapa kampani ezi kooko kevango kwakara yirugana, nye vahepa kuranda nondja davene.’’ Yimo ana kutanta ngoso. Apa nye katupulireko nombudi dina kupupana asi dates odo kwadiranda kokampani zopeke, Akwenye katente asi Nida ntaaantani kunakuzangura pwamwene mokukara asi kuna kurugana ngesefa zamwene, yilye nye ogo ana kutjingisa nokugwana marandeso ponze zosirongo pontambo zouzuni. Eyi kuna kugusapo nye mukaro gokutanta asi kapi vana kara nomarandesero ntani marumbasano manzi unene.
Mokuhetekanesa kumwe nomuzangu gwantaantni gomandjembere, age katente asi: ‘’ Sivaro sokusika ko 75 385 sokatun kwazirandesa momvhura 2024/2025 momvhura. Nampili ngomu yina kara asi simpe yitji yenyango kuna kuyindindira yiyasike oku vayiranda, marandesero simpe kapi vana gamaneserere.’’ Age simpe katente asi ediuro lyokuronga vantu asi ngapi navazangura muzangu gomuwa, kugwana mema gana gwanene gokutekeresa yimeno ntani mukaro nye ogu gwakara asi farama ezi kwazitura pevango lyewa unene, kovatungimo vana hara kutuma ponze zosirongo, ntani simpe evango kolili lyokuninka asi vatamunune evango lyomuzangiu, ntani mpepo gwa unene, muzangu kukura nawa morwa nayinye kuna kuyigwana.
‘’ Udigu tuna kugwanekera nawo, kapi tuna kara noyiwizamo yokugwanene unene ngwndi yimaliwa, yiruganeso yokudamwisa muzangu, nondandani depuko ntani evango nye lyokutapeka, yiwizamo yisesu yitundwamo yinzi, marumbasano gomonda zosirongo ntani ponze zosirongo mokuzangura, nopauzuni ntani uta ngwendi yokurwisa mukisi nayimwe ngoso. Yimo ana kutanta mukurona gendesi pamberewa.
-sklukowski@nepc.com.na