KEETMANSHOOP-Mukurona pamberewa godoropa zaKeetmanshoop sivike esi katulisisepo noveta edi navanyatera varugani kurona omu navasikisamo yirugana yawo omu navatura matokoro gawo mosirugana kweyi navaruganena vatungimo. 

Mosihuyungwa sendi, mukurona godoropa Annelize Knaus katente asi ezuva lyanayina kuna kara nye lyokulikida asi kuna kara lyomulyo ndi lyomutaro omu tuna kutura nye malikwama noyirugana yetu nokutara asi ngapi tuna kurugana ntani asi tayisikimo ndi? 

Elikwamo lyangesi kuna kara asi lyokutura tupu nye malizuvho getu gaune naga gautano mosirugana mondango zodoropa zetu, nokutara asi tatusikisamo eyi gatutanetrere Ministera gonodoropa nekuliko nomukunda, omu gatente asi nondango donodoropa nadinye dahepa kutulidapo elikwamo lyangesi ose tutare nye asi tayisikimo, yimo ana kutanta. 

Age simpe katente asi mokutura nye mosirugana ntumwaraka zangesi, ndango zasikisamo eyi yina kukwamako, omu vatulisapo egano twaromo, veta zovarugani vasinyatere, ntani egano twaromo lyomvhura nazinye. 

Knaus simpe kazire komeho nokutanta asi,’’ ngendeseso zokulikida asi ngendeseso ezi navanyatera varugani zahepa kuwapa, zahepa kuliza nonoveta dosirongo moNamibia, simpe kuna kudirugana, ntani dahepa kuliza nonoveta donondango donodoropa eyi yina kumoneka asi nayinye oyo twayikwama nawa nawa. 

Mokugwedako, nodepartment nadikara nye noyikarata yokuturamo eyi nayilikida asi nani tavarugana nawa omu navatara asi yilye nawa nawa ana kurugana moomu yawapera mondango zawo zaKeetmanshoop. 

-sklukowski@nepc.com.na .