Minista wehongo Sanet Steenkamp okwa yelifa kutya neudo ondado yoimaliwa ei hai yandjwa kehangano olo Namibia students financial assistant fund “NSFAF,” olo li na oshinakuwanifa shoku futila ovanafikola veli koiputudilo otashi kanenepekwa noN$ 200 000.
Steenekamp okwa ti NSFAF okwa li ashike ha pewa oN$ 100 000 oku futila ovanafikola aveshe moshilongo, ashike paife otaka pewa oN$ 300 000, oyo teke li kwafa nayo.
Elalakano vati okufya oshisho kutya ovanafikola ova kwafwa, okudja ngoo kwaava vena ovadali hava mono oyiyeemo ishona, yopokati oshoyo yopombada.
“Ashike nande ongaho oimaliwa ei otai kapewa ashike ovanafikola ava va wanifa oitwa yoku futilwa kuNSFAF.” ta yelifa.
Ovanafikola vati ova teelelika va kale vena oitwa ili o 26, moilongwa itano, omo mwakwatelwa no English.
Ashike nande NASFAF audaneka kutya ota ka futila ovanafikola she li kolelela koitwa ili o 26, osho vati ita shi imbi oiputudilo di ihaye komesho nomilandu dayo doku tambula.
“Ngeenge oshiputudilo ota shiti ita shitambula ounona vena oidjemo yondodo onhimulongo oyo aike, fyee katuna eenghono dokuya eemangela davo moshipala,” ta yelifa.
Okwa yelifa yoo kutya ovanafikola kuya nee ovo koiputudilo yepangelo ile yopaumwene, ovena oku futilwa koNSFAF. Ovanafikola vati ovena yoo oku pewa oufilinga vavo vokomwedi voku li kwafa, yoo natango ofuto vati oya kwatelamo o resgitration.