Opolifi mexuliloshivike oya lopotelwa nokupatulula oibofa moiningwanima ya yooloka ngaashi omateyo omaumbo osho yo omafyo. 

Omateyo omaumbo 

Ovakalimo vahetatu okudilila koitukulwa nokeedolopa da yooloka moshilongo, ova patulula oibofa i na sha noulunga woinima yavo oyo yakana, konima eshi ookalaya mupombo veli teyela momaumbo avo. 

Oinima ei ya vakwa kovakwashiwna ava aveshe kumwe oya kosha ongushu yo N$235,707. 

Omateyo omaumbo okwa holoka meedolopa ngaashi Outapi, Windhoek, Outjo no Katima Mulilo. 

MoWindhoek omwa lopotwa mwa teywa omaumbo avali limwe omo Katutura, omanga li kwao omo Suiderhof ndele tava kufa mo oinima ei va endela. 

KOutapi ookalyamupombo ove liteyela mondingosho i li momukunda Okaongo kaKaholongo, ndele tava kufa mo ojukebox, okakefa kolusheno, oimaliwa osho yo omalodu omanga KOutjo ve liteyela natango mondingosho imwe ndele tava kufamo oiparte yeshina lejackpot. 

Oulunga woimuna 

Eedoolopa ngaashi Oshakati noGrootAub okwa lopotwa oulunga woimuna. Omufekelwa wokOshakati okwa kwatwa konima eshi a hangika neengobe di li nhee, ye wokoGrootAub okwa lopotwa a hangika needingu dongobe e i kufa momukalo woulunga. 

Moiningwanima ei, opolifi oya dula ashike okutula ovafekelwa vavali moipandeko, nomakonaakono otaa twikile. 

Omafyo 

Moshiningwanima shikwao, opolifi natango oya lopota oibofa i li inhe yovanhu va kanifa eemwenyo davo moiningwanima yayooloka. 

Vamwe ova lopotwa ve likufa eemwenyo momikalo dokulimangeleka, omanga vakwao ve lituwa va xulifa. 

Imwe yomoibofa ei omwa lopotwa omulumenhu wedina Shinyembo Velarius Mangundu weedula omi-80, oo a lopotwa e lituwa kovapammbele vaye ehana omwenyo momukunda Nyondo moshitukulwa sha Zambezi. 

Moshiningwanima shikwao omwa loptwa Salomo Sheehama Kautsima Alweendo omukalimo waOutapi, oo ahangika elimangeleka momufyaati nokwali mepupi leedula o 28. Omukainhu weedula 73 moSwakop okwa lopotwa angabuka, novanambelewa voparamedic eshi vafika poshiningwanima okwa hangika ehena omwenyo. 

taimihaihambo2000@gmail.com