Otjivike ihi nai okomiti yovaungure vomatwiiro womomaunguriro wOmaraisiro Yapamwe wOhoromende ya Namibia noyehi rOvandoitji mepu rOtjiṱiro Otjindjandja tjo 1904-1908 okuiisira kotjihungiriro tji tja kara po okuza ko 2015 mai sokutja ya haamene.

Okusopora nokuserura imbi mbya handa omatwiiro womomaunguriro womaraisiro nga, Ojoint Declaration, ousupi OJD yo 2021. Posi ya ngamba ndji hi ya tuwa momaunguriro. Ozombara zOvaherero nOvakwena, pu nOtjirata tjOmbazu tjOvaṱakume nOtjovakuruha, tji maze tja ya rire orure nu nambano ya sere okutuwa momaunguriro. Ozombara nḓa za pyasere epu ndi oure womayuva yevari mOtjomuise otjivike tji tja zuko. Tjazumba aze pitisa orutuu kozombuze. 

Morutuu ndwi wina maze vanga kutja okuza nokusopora nokuserura OJD, moure wovivike vitatu, tje he ri komurungu wa nao, ya sere okutuwa omunwe kembo. Nu kombunda ya nao korusenina pa sere okukara omatwiiro womunwe kembo wokotjiveta nomasenina ngu maye hatoiwa i yozombara, Operesindenda nouṋepo wOkomiti Yapeke yOkambineta. Wina pamwe, ombambara nOtjihungiriro tji tji kara po nai ohunga nomatungururiro nondjesirasaneno, mape sokukara orupa rouatjiri, ondjesiro, otjihungiriro; omahongero; nomatutumino wombazu nokuhinenyando ngu maye hongorerwa po i yoviwaṋa mbya ihamwa nozondjuwe ozerikuramene. “Matu toko kutja ape ha kara orupa ndu maru undju ngandu kongaaruhe kutja pe kare omaitaverasaneno nge ri wo ngunda omahakayeneno ondjirakati mape ya aye hepwa posi ya omahakayeneno ondjirakati nga kaye sere okururuma omikoka omiserandu vyetu omihuze vyousemba, onḓengu neraka rotjiwaṋa.” Maze ningire ohoromende ya Namibia, tjinenenene Okambineta, Ondjuwo yOzoveta nozoministeri aruhe okutjinda nokuvara otjiungura hi otjotjiṋa otjitengatenga. Tjinga onduri yehi aya kuramene kutjo, ouye otja tji mau tarere. Naze toko kutja kangamwa otjipwite kutja otjaye atji ha yandjerwa okuwombisa komurungu ousemba. 

Kozondekurona ozombara nḓa maze rakiza kutja aze pukisiwa i yovaprofete vonḓorera mbe ve wovisa kutja mave munu omangete mozondjaṱu zawo orondu kape na otjimariva matji hiti mondjaṱu yomundu kourike we pendje, mu varwe, okuhongisa natjo omitanda.

“Otjitwesa tjondjuriro, omitjemo mbi hi ya zengururwa nomahaka wongono mape ya avi pandjarisa ongamburiro, navi yetere ko omuiihamo kozondekurona zaimba mba ihamisiwa,” orutuu rozombara kozombuze maru tja: 

“Otjitwesa tjondjuriro, omitjemo mbi hi ya zengururwa nomahaka wongono mape ya avi pandjarisa ongamburiro, navi yetere ko omuiihamo kozondekurona zaimba mba ihamisiwa,” orutuu rozombara nḓa kozombuze maru tja.