Abraham Mwanyekange 

Ngoloneya woshitukulwa Ohangwena Kadiva Hamutumwa okwa kala omutumba novanangeshefa vomoshitukulwa shaye, ovo ve li oilyo yoNamibia Local Business Association (Naloba) osho yo Namibia Chamber of Commerce and Industry (NCCI). Omutumba owa ningwa opo va tale nghene ve na okulongela kumwe vo va yambule po eliko lOhangwena. 

Omutumba okwa li wa kundafana unene omaupyakadi a taalelwa kovanangeshefa vomoshitukulwa Ohangwena. Omaupyakadi amwe a tofwa mo ongaashi okuhe na oimaliwa yokukokeka eengeshefa, okuhalongela kumwe kwovanangweshefa osho yo efininiko leemhito kovanangeshefa vomOhangwena. Ova ti yo opwa pumbwa eyambidido lakula okudja koikondo yepangelo opo i vatele eengeshefa dinini di dule oku shi pondola. 

Imwe po natango ya tal ika momutumba eemhito mounafaalama, okutula ongushu moikulya osho yo moi longomwa yomOhangwena. Ova ti osho osha fimana molwaashi natango Namibia onghee ta twikile okulanda oikulya ngaashi omahangu nomapungu pondje yoshilongo omanga Ovanamibia navo have i nduluka meni. 

Ngoloneya okwa ti osha fimana okueta po elandulafano olo tali eta po eemhito doilonga nokuvatela ovanangeshefa va kule poilonga yavo. 

Okwa twa ovanageshefa omukumo va longele kumwe meengudu opo va mote eemhito diwa dokuyambididwa no kup ewa oma kwaf o kepangelo. 

Omunashipundi wo-NCCI mOhangwena Linea Haimbodi okwa ti okwa pandula kungoloneya eshi a tambula ko nokupwilikina komaupyakadi ovanageshefa vaye. Ta ti osho oshikando shotete va mona omhito yokupopya mo omaupyakadi avo. 

“Otwa yandja eemhumbwe detu adishe, notu na ehafo lambishi meumbo mwa tomwa molwaasho ngoloneya okwe tu pwilikina nawa,” ta ti. 

Haimbodi okwa ti mopaife okwe lipyakidila nokukonga ouyelele kutya eengeshefa ngapi di li moshitukulwa shaHangwena. Okwa ti ouyelele ote ke u yandja kun goloneya opo ku kongwe omukalo wokuvatela nokuhumifa komesho eengeshefa dOvahangwena. 

-amwanyekange@nepc.com.na