Auleria Wakudumo
Minista womauyelele nomakwatafano opaungoba Emma Theofelus okwa shivifa kutya omalongekido oshitufidimbuluko nefudiko lOmukokolipresidente Sam Nujoma mOvenduka okwa pwa okulongekidwa.
Nujoma ota ka ningilwa oshitufidimbuluko sha xuuninwa moshilandopangelo nena nota ka fudikwa mu 1 Maarsa 2025 koHeroes Acre.
“ Epangelo pamwe novakwanedimo vOmukokolipresidente Sam Nujoma ova tokola okufudika Nujoma moHeroes Acre. Okushanga kemanya lOmukokolipresidente nako oku li metifa notaku ningwa natango mekwatafano lovakwapata vaye,” Theofelus ta ti.
Nonande omalongekido aeshe mOvenduka oku li pokupwa, Minista okwa yelifa kutya epangelo itali dulu okutengeneka oinima imwe ngaashi onghalo yomhepo osho yo omwaalu wovanhu ovo tave ke ya koshivilodimbuluko nokefudiko.
Theofelus okwa weda po ta ti epangelo otali ka tuta ovakwashiwana moshitukulwa shaKhomas okuya koshivilodimbuluko nokepako lOmukokolipresidente.
“Omalongekido okututa ovakwashiwana okwa ningwa nale. Ovakwashiwana otava ka tutwa okuya koshitufidimbuluko nokefudiko. Eenhele apa tapa pitulwa ovakwashiwana otadi ka shivifwa nale,” Theofelus ta ti.
Ovaenda
Theofelus okwa koleka kutya epangelo otali ka tambula ko ovaleli va yooloka okudja kondje yoshilongo ve li 10 ava tave ya koshivilodimbuluko nokepako lOmukokolipresidente fiyo opa pa.
“Otwa kwashilipaleka kutya ohatu ka mona ovaleli vape navakulu okudja koilongo ya yooloka okudja koAngola, South Africa, Zimbambwe, Ghana, Mozambique, Malawi, Tanzania, Finland, Cuba noSahrawi Arab,” Theofelus ta ti.
Theofelus okwa ti omwaalu wovatalelipo otau ende tau wedelwa efiku nefiku she likolelela kouyelele tau yandjwa kouministeli womauyelele.
Elandulafano loshivilodimbuluko nelandulafano lefudiko ola pwa okulongekidwa. Omalandulafano aeshe okwa ning a kepangelo nokovakwanedimo vOmukokolipresidente.
Omalandulafano otaa ka yandjwa kovakwashiwana nefimbo la wapala.
Epangelo otali pandula ovakwashiwana eshi va kala nokufika koitukulwa oko kwa ningi lwa oivilodimbuluko yOmukokolipresidente.
“Oshikando shotete mondjokonona yaNamibia, epangelo tali tumu olutu koitukulwa opo ovakwashiwana va mone omhito okulekela omuleli. Onghene epangelo otali pula li diminwe po apa la lima onghudu mokuninga omalongekido nonande momufyuululwakalo eefyaihadiningilwaomalongekido,” Theofelus ta ti.
-wakudumoauleria@gmail.com