Ouminsteli wouhaku owa lopota ovanhu ve li 8 760 va kwatwa komalaria oyo ye liteyela oshilongo, naashi osha xumifa eepelesenda doibofa po68. 

Omupopilko wouministeli Walters Kamaya okwa ti nonande ouminsteli we lipaka mo mokutula po omilandiu adishe dokukelela malaria momaumbo, ovakwashiwana navo ova pumbwa okudana onghandangala, unene mokuwapaleka omidingonoko davo. 

“Ovanhu ngeenge ove li meenhele di hadi omwiidi, ile ve li pomeva a kaka natango osha nyika oshiponga neenghono. 

 Nande oopombela ova kale va pombela omaumbo ndele omaumbo okwa dingonokwa koinima oyo natango kashi na eshi tashi kwafa,” ta ti. 

Kamaya okwa yelifa kutya, oku shi kutya eli olo efimbo odula hai loko neenghono, oo omeva nomwiidi ouhapu. 

Ashike nande ongaho osho itashi imbi omunhu u kufe etemo ile oshixupulo, u ka kunghule omwiidi wa dingilila nande eumbo ile onduda yokunangala. 

Kamaya okwa yelifa kutya eemwe odi hole poima pa fita, unene momwiidi nomomeva, ashike ota kunghulile ovanhu ve liamene okudja komaumbo. 

“Djaleni yo oinima ile nye tamu kala mwe lituvikila meenete dokukelela eemwe,” ta ti. 

Fiyo opapa oipangelo ei ya loptwa i na ovanhu ve na omalaria oAndara, Nyangana, Ncamagoro, Nkurenkuru, Eenhana, Engela, Okongo, Grootfontein, Katima Mul ilo, Rundu, Tsumeb, Otjiwarongo, Omuthiya, Tsandi, Outapi, Okahao, Opuwo, Oshikuku nOshakati. 

Okwa twikila kutya nande ongaho okwa yelifa kutya molwoibofa ihapu ya lopotwa, yo ye ya ombaadilila ouministeli owe lipyakidila nokutula po omilandu domeendelelo osho yo opo u yandje omakwafo kovanhu manga oibofa inai ya komesho. 

-taimihaihambo2000@gmail.com