Auleria Wakudumo 

Omupresidente Netumbo Nandi-Ndaitwah okwa holola kutya oilongo yaAfrica oya pumbwa okutula oukuni kumwe meendelelo nokukala i na omangeshefelo ehe na eengaba ile eendjidikila pokati kayo. 

Ndandi-Ndaitwah eshi okwe shi holola momutumba woilongo ya hangana yaAfrica, hano oAfrican Union (UN) uti-39 oo wa li ko moAddis Ababa shaEthiopia. 

Pefimbo ta yandje oshipopiwa shaye komutumba, presidente okwa holola kutya omangeshefelo inaa ngabekwa pokati koilongo yaAfrica otaa xumifa eliko nokuyambula po Africa. 

Omutumba woilongo yaAfrica owa kwata oule womafiku avali, okudja mo14 fiyo 15 Febuluali 2026. Omutumba ou owa li wa kalelwa po komitwe doilongo yaAfrica da yooloka osho yo epangelo loAfrican Union. 

Omanga e li koAddis Ababa, omupresidente okwa ti omatokolo opombada okwa tulwa moilonga opo oilongo aishe yaAfrica i mone ouwa weedjo daAfrica. 

Omutumba ou owa landula omu tumba wovakul unhu voitukulwa oo wa li ko okudja momafiku 11 fiyo 12 Febuluali. 

Omitwe doilongo yaAfrica oda kundafana omashongo a taalelwa kuAfrica ngaashi ombili neameno, oidjemo yomutumba wodula ya dja ko yomutumba, okukundafana exumokomesho lomhangela yo2063, etalululo loinima imwe oyo i li moAfrican Union osho yo okutalulula oinima imwe momutumba woiwana ya hangana naikwao imwe. 

Omutumba owa patulula yo pambelelwa oshipalanyole shoAfrican Union 2026. Neudo oiwana yaAfrica ya hangana otai ka wilikwa koshipalanyole tashi ti: okukwashilipaleka oshiwana oshi na omeva a yela osho yo oundjuwo okuhanga elalakano lo2030. 

Oshipalanyole shoneudo otashi 

omhangela itihamano yoNational Development (NDP6) . Etulomoilonga yalo ola teelelwa li ka kandule po oupyakadi unene meenhele omo muhe na omeva ile oundjuwo. 

Omutumba owa tula moilonga omhangela yo2063. Oinima tai ka kundafanwa ongaashi etulepo leendjebo, ombili nelandulefano osho yo eyambule po nexumokomesho laAfrica. 

Omupresidente okwa longifa yo omhito ei opo a nghonopaleke ekwatafano pokati koshilongo noilongo ikwao. 

Namibia nande e na nale ekwatafano liwa noilongo yomuAfrica ihapu, natango okwa hala okuwedela ko kekwatafano eli osho yo okuya meenghundafana noikondo yexumokomesho nomahangano okondje yoshilongo. 

Omutumba owa nghonopaleka yo exumokomesho laNamibia, elandifo kondje yoshilongo oshoyo okuninga omapungulo kondje yoshilongo. 

Omupresidente okwa li a fiya po oshilongo mo 12 Febuluali nokwa aluka Omaandaxa. 

-awakudumo@nepc.com.na