Ovanhu ovo va ninga omafiku keetenda kEtunda molwaashi vali va yelulwa kefundja osho va shuna komaumbo avo.

Ngoloneya woshitukulwa shaMusati Erginus Endjala okwa koleka onghundana ei.

Okwa ti moshitukulwa shaMusati ka muna vali ovanhu ve li keetenda molwashi omeva okwa pwinina.

Ovanhu va dja momaumbo 64 okwa li va tembukila kEtunda molwashi omaumbo nomapya avo a li koshi yomeva, neefikola odo kwali da da pata molwefundja nado paife oda patuluka.

Okwa lopotwa ovanhu vamwe koshitukulwa shaShana nOhangwena navo ova tameka okushuna komaumbo.

Efundja neudo ola fiya oshiwana pomutenya eshi la hanauna po oikunomwa yavo  nomaliko avo. Omapya okwali a kungululwa po, ile e li koshi yomeva, omanga momaumbo amwe eembete neeskopa daya koshi yomeva.

Ovanafikola vahapu ova ninga omafiku komaumbo molwashi eendjila oda pita moyana nomomatapa oo ena omeva.

Epangelo ola longa noudinini okuandjaneka oikulya koshiwana noku yandja omayakulo opaunamiti pefimbo lefundja.

– fhamalwa@nepc.com.na