Oupwe wozoprysa zovinamwinyo momahi mehi ra kangamwa hapo okurondondundu k uku rondwa nohiwo?

Nu wina hapo oku hungama ozoprysa zovinamwinyo ozo ndeheri ozombwa nozombwire zondengu yovinamwinyo mozoresevate ovyo ku kandinondi mbiheri nu mbi ha sanene ku imbi vya rukuru vyombazu nunguwari ku kandinondi mbya hara ondengu yarwe muvyo wina nambano mu muna ovinamwinyo vyombinÿu.

Indi eepuriro ovaÞuta mouparanga wehi ndi ma ve vyavanga naṋi mave munu eziriro kuro harukuru. Va tie etemba rimwe mongondjero indji. 

Ndjina otjiṋa no ku pwisa ozoprysa zovinamwinyo momahi wa kangamwa mouparanga wehi, nu tjinene nene motukondua tjimuna twa Erongo, Okunene, Omaheke na Tjozondjupa. Mozoresevate tjimuna Omatjete, Okaoko, Epukiro, Omongua, Otjinene, Otjombinÿe, Oeiseba, Ongama, na Kakarara. OvaÞuta mu ve hina ohange nozoprysa zovinamwinyo vyao. 

Tji tjiri otjiṋa owo tji va kwanga natjo ozombura nai. Oku yaruka kohuurire nganduu ku ndinondi Onamibia tji ra kutuka. 

Tjaa veundjireko kutja maiyeta ombwiro wina mombwiko, nu tjinene mo u Þuta. Po siya ngaa kundinondi ovaÞuta ve tjema nozoprysa zovinammwinyo vyao. 

Ve tja oprysa iri kehi mena romurandise pokati komutumbangombe nomurande naingo oruseinina omuungurise woviveze mongombe kutja oondjo onyama oini poo vyarwe tjimuna omikova, ovyuru nozonyu. 

OvaÞuta nai otji va sekama oku twa ovyuru pamwe oku tara kutja ndji munika otjondjou motjitamba tjo ma randero wovinawminyo vyao ma ve ihonine vi. 

Omeriworonganisiro inga nai ya utire momaha womotungovi ngu kuza Owhatsappa, nai ovandu ape kombanda yo-70 kuve rikwamba. 

Oku yekasana omambo kovinyo no ku pasana ozondunge zokutja tji hapo otjiṋa ihi mave tji honinevi? Kukuheri nozohahi ombungu ndjii hahoninwa nazo. 

Mozohoroose mu muna ovaÞuta Kavemunu Marango Veii (0812107736), Mbasara Jefta Mbuende (0813342690) na Benson Katjirijova novakwao. Oumune mokati kovatjiwe mauhaṋika kutja tjii hapo onÿepe ya undapi tjikweya koprysa yovinamwinyo momahi wa kangamwa. Kutja opo zo vandisa poo ozoparamita. 

Mu muna mbu ma utja ovinamwinyo tji vya vasisiwa otuveze twomarandisiro, tjimuna Otjivanda, poo Epako, viyeta oprysa ombwa kombanda ya indji yomozoresevate. Pu ma peya a pehee kokutja omuritiakaṋe pokati mozoresevate oonÿepe? Ngunda wina apena oumune mbu ma utja ozoprysa zovinamwinyo mozorerevate ze ṋiṋikizirwa wina kehi mena rombangu yotjivara. 

Nai eÞupa otji ra utu oku korokohwa tjapo otjizo tji munikwe nu harukuru omazengururiro nombwiro kovaÞuta mozoresevate ndoovazu ondando ndji ma ikondjisiwa indji yazikama nu ya hara omuhunga notjikara.