Opolisi moshitopolwa sha Kharas oya lopota oshiningwanima shinyanyaleka, moka omulumentu gwomimvo 41, a tsuwa noshinima inaashi shuwika noku kwatwa koonkond.

Omufekelwa moshiningwanima muka omulumentu gwomimvo 24.

Omugandji gwomauyelele gwopolisi, Inspekta Raimbert Murongo, okwa ti oshiningwanima shoka osha holoka oshiwike sha zi ko, mondoolopa yaLudelitz.

Otaku hokololwa kutya, olutu lwaGerome Granville Helgrian, ngoka kwa li hazi oye ayike kondoolopa, koNew Development, olwa li lwa andhika noombululu dha pita po40. Granville anuwa okwa li a monika lwa huginina pegumbo lye, momasiku 16 gaSepetemba, ihe okuza mpoka inapu monika we omayinyengo ga sha.

Opolisi anuwa okwa li ya yamukula mbala, no kwali ya teya po omweelo gwegumbo, no kwali yiitsu molutu lwa nakusa ndoka kwali lwa tegama nombete, luna oombululu ndhiilalo oyindji.

Shoka anuwa sha longithwa okutsa omulumentu ngoka inashi shuwika, nonando taku fekelwa oshinima sha honga.

Naku fekelwa ngoka ngaashingesyi anuwa e li mo make gwopolisi, okwa li natango ayi nongondhi ya nakusa yo peke oshowo oTv  nokambako kayo, mbyoka natango ya monika.

Opolisi inayi gandja uyelele ngele naku fekelwa okwa kala mekwatathano lyopahole na nakusa.

Naku fekelwa ota holoka nena komehi  gompangu

Omakonakono gwopolisi otaga tsikile.

– vkaapanda@nepc.com.na