Opolifi oya lopotelwa oibofa ya fika puitano, i na sha noimuna ya vakwa moshuunda mexuliloshivike. 

Opolifi mOshikoto popepi neefaalama daMangeti oya l opotelwa oshingwanima shomufekelwa a landifa po eengobe daa umwe di li o25 oshoyo oikombo ya fika puitano. Oshihakanwa vati osha tameka okuvaya eengobe moshiunda, nokonima osha ka kwatwa komadiladilo okupula omufekelwa kutya eengobe daye oda ya peni? Konima omufekelwa vati mofaalama okwe livaka mo eshi a uda kutya oshihakanwa osha nofwelwa ko shi na sha nelandife po loufita weengobe dovanhu. 

Eengobe edi da landifwapo vati oda kosha ongushu yoN$237 500, omanga oikombo ya kosha ongushu yoN$12 500. 

Moshitukulwa shaTjozondjupa momukunda Ot jongombe nOvitoto, omwa vakwa eengobe deehove di li mbali ndele tadi dipawa vati nokulondekwa po kovafekelwa. Eengobe vati oda li tadi kosho ongushu yoN$41 000. Ovafeekelwa vati fiyo opapa inava kwatwa, nomakonakono opolifi otaa pula komesho. 

Moshitukulwa shErongo omwa lopotwa oshiningwanima shomufekelwa vati a teta odalate yoshiunda ndele ta veke mo eedi di li mbali, ndele te di dipaa shihe li pehalo lamwene wado. 

Eedi vati oda li tadi kosho ongushu yoN$5 000, nomufekelwa okwa tulwa moipandeko kopolifi. 

Umwe wokOtjimbingwe nat ango okwa lopotwa adipaya eengobe damushiinda shaye dili mbali. Eengobe vati odaya moluumbo laye ndele tedi dipayelemo, nokututamo ombelelela yado, opamwe noikafa shiheli pahalo lamwene wado. 

Eengobe vati oda li tadi kosho ongushu yoN$18000. Fiyo opapa vati kapena eshi shamonikapo, kutya nee ovafeekelwa ile oinamwenyo, nomakonakono opolifi ota apula komesho.