Ehangano lomakwatafano loMTC ola yandja pambelewa onhele kovakalimo kOkakarara onhele yoku tunga omaumbo.
Ominista yomayambulepo eedolopa noitukulwa yokoushai Erastus Uutoni okwa tumbula kutya, oshinima eshi osho edidiliko okuulika kutya epangelo ole li tula mo mokuyadja omalukalwa koshiwana ashishe.
Okwa twikila kutya edu la yandja kuMTC ola nuninwa ava ve na oiuyemo ishona opo va dule yoo oku li landela eenhele domalukwalwa avo. “Ondi udite etumba shaashi onda kala handi longo noudiinini oku panga oukume nomahangano opaumwene opo tu longele kumwe, tu dule oku kongekidila ovanhu veli komalukanda inaa longekidwa eenhele domalukalwa,” Uutoni ta tumbula. Okwa twikila kutya epangelo oku dilila kouminsteli womayambulepo eedolopa noushai, ola tula moilonga oufemba womunhu keshe akale ena onhele uli pamufika uli nawa, omo ta dulu okudja. Okwa ti yoo oshili oshisho shakula shepangelo oku vatela ovakwashina mokutunga omalukalwa avo, ngeenge tashiya peyandjo lomadu oshoyo eyandjo loitungifi. Uutoni okwati oku uditile yoo etumba omahangano keembinga neembinga eshi eli paka mo mokupa ovanhu omadu oshoyo oku yambidida eenhele domalukalwa moshilongo ashishe.
Okwa ti komesho yomafiku ova vapewa edu mOkakarara otava katameka okutunga, nokwa teelela ovanyasha vaka vatele mokuyambulapo onhele vei ete pamufika u li xwepo.