Ominista youministeli omayambulepo eedoolopa Erastus Uutoni okwa ti eliko loshilongo ola kumwa neenghono keendjo domeva nolusheno li li pombada.

Eshi okwe shi popya pefimbo va li meenghundafana noElectricity Distristibution Industry (EDI), oshivike sha dja ko.

Uutoni okwa ti oyeetifi yeendjo moshilongo aanhu ve na omaumbo itava dulu oku a fauta, okufuta oishoshela, eendjo dokufuta oiniwe yeedolopa yokomwedi, ei ovanhu ve na komeva nolusheno nodoolopa.

Eenghundafana edi oda li da ningwa oule womafiku avali da nuniwa okuendulula meudafano eli EDI a li a tula po nepangelo oshoyo omahangano e li koshi yoRegional Electricity Distribution (RED) shi na sha nonghee omeva nolusheno e na okukala taa fendelwa.

Omutumba natango owa li yoo tau yelifa omaupyakadi omalelo eedoolopa noitukulwa e na novayandji vomeva nolusheno, nonghee e na okukandulwa po.

“Olusheno omhumbwe yakula, noshiima shi na oshilonga moshiwana. Olusheno ihali vatele ashike mokutema, oli na yoo oshilonga shauala mexumokomesho loshilongo,” Uutoni ta ti.

 Okwa twikila kutya ngeenge ovanhu ovai modima molwa eendjo dili ngaha otashi kakuma lela oinima ihapu lela.

Okwa ti yoo nonande pena ondwanga yomaupyakadi yadingilila oinima yapamba koumisteli womayembulepo eedolopa noushai, natango otava pula ashike komesho naapa tava dulu opo vadule oku vatela ovanhu hava mono oyuuyemo ishona komwedi.

“Otwa hala okukala twa fya oshisho kutya ovanhu ove na omadu a longwa nawa. Otwa hala yoo okuyandja omaumbo apa hatu dulu okuyandja, oshoyo eemhumbwe ngaashi omalusheno nomeva kovanhu,” Uutoni ta ti.

Okwa ti ope na yoo olopota ya dja kepangelo i na omifindalandu edi di na okushikulwa, naashi shi na okuningwa po okuvatela ovanhu, oshoyo okukonaakona omaupyakadi noku a kandula po.