Opolifi moshitukulwa shaShana otai konaakona oshiningwanima omo omunhu ehe shivike a twa omataiyela eetuwa mbali domeumbo limwe.

Olopota yopolifi oya hokolola kutya oufiku wOmaandaxa omushiviveta Libertine Shiyaleni  womOngwediva, okwa kanghameka otuwa yaye noya ina moluumbo lavo, manga inava ka nangala.

Efiku la landula vati pombali yomutenya, umwe womovaneumbo lavo eshi a ya pondje okwa hanga eetuwa mbali di na omataiyela aeshe a papa, a tuwa noshilongifo shihe shiivike.

Opolifi oya ti pefimbo apa omufekelwa ke shivike, ashike oovene veetuwa otava fekele mushiinda oo a li e livakela meumbo lavo oshikando shimwe a teta oipeleki yokombifa.

 Eetuwa odo da twilwa omataiyela oAudi Q5 itoka nongishu yomataiyela ayo oN$29 000. 

Omataiyele otuwa onhivali yoRav4 nayo itoka noku na ongushu yo N$10 000.