Otjimariva otjiungurisiwa tjohoromende kombura yotjimariva indji o-2025/2026 otja tji tja tuwa kotjiriro mOmbongarero yOtjiwaṋa momautiro wombura ndji mu Seninarindi ka ku nokamariva make weziwa poo okuisakewa. 

Pu mape hee kokutja omatau ayehe o-89 N$ Ozondora za Namibia tji ya yakurwa i yondjuwo yozoveta okuza nokuhungirirwa okuza i yOminsitera yOtjimariva tji ye tji twa kotjitiha kutja ondjuwo ndjo i hungirire ko nai tjiri nao. Oritjavari Ominsitera yOtjimariva, Erica Shafudah, otja yetere mOmbongarero yOtjiwaṋa, omatarururiro wotjimariva tji. Na yauza kokutja mena romatokero wongorongova nombwiko mouye, oyo wina nga ṱuna kombwiko ya Namibia, omataruriro wotjimariva tjombura aihe nge kongorera ape momayandero wombura kaye notjiṋa ya rundurura po mo kutja, kwa weziwa otjimariva tjarwe poo kwa isakewa ko otjimariva itji otjiputuputu tjozondora za Namibia omatau o-89 N$ nga yakurwa rukuru. 

Posi ya tji tja tjitwa porwe okukatokora imba na mbena kotupa ngamba tu tu hi ya ungurisa otjimariva itji tji twa perwe okuyandja ku twarwe tu matu munika ayo matu tji hepa potukwawo tu tje tji perwe nungwari tu tji hi ye tjiungurisa. Pu mape hee kutja otupa twi tu tu hi ya ungurisa otjimariva itji, katu tji hepa kombanda yaiho twarwe tu matu tji hepa. Otja ku Shafudha, ozoperesende o-39 uriri zotjimariva itji onda ungurisiwa ombura ndji okuvaza omueze mbwa zuko okusasaneka nozopresende o-43 ombura yotjimariva ndja zuko, indji o-2024/2025. Okutja okuvaza Seninarindi yombura ndji mai yende mburi omayandero wombura yotjimariva indji, ozoperesende ape o-61 zotjimariva itji ngunda maze sokuungurisiwa. Nḓeri ozondora za Namibia omatau o-69 N$. Tji tja ungurisiwa atji ri ozondora za Namibia omatau o-41 N$ uriri. 

Nandarire kutja ngunda otuingi twotupa katu ya ungurisa otjingi tjotjimariva tji twa pewa, Shafudah ma raisa kokutja ngunda mave hepa otjimariva tjingi omatau ayehe o-89 N$ ngu va kwizika ave hi ya yenenisa momawongero wotjimariva otjiungurisiwa i yohoromende. Amave hepa ape omatau yetatu. Ape omangete o-826 N$ mOzondora za Namibia ongu maye haṋewa okuiisa kotupa notupa okuyandja ku twarwe. Ngunda ozondora za Namibia omangete o-376 N$ atji ri otjimariva tji matji hupu komakuramisiro womakutiro wovaungure vohoromende ovape moviungura owo ngunda nai nga tjayerwa mena rouzeu wotjimariva.