Orukondwa rwa Tjozondjupa rwa havara Ozondora za Namibia engete, mondyero yotjimariva tjohoromende kombura yotjimariva indji o 2024/2025.

Ongooneya yorukondwa James Uerikua wa tjivisa nao mehungi rorukondwa rombura.  Tji ma zeri kokutja matji tunduuza otjiungura tjomahandurisiro morukondwa rwe.  Oro ombura ndja zuko mu mwa randa ozosarama imwe uriri yozoheketara o 5567 komahandurisiro komangete o-14. 

Oyo ndja kondwa mozohambo ndatu. Ngunda ape ri nao, ozosarama ndatu za raisiwa mozombuze zomarandisiro kutja maze hepa ovahadurisiwa. Nḓe ri: Omukandi, Hoëveld nOhoffmanstal. 

Nu mombura yotjimariva indji o 2023-4 osarama indji Otjosazu Komanene ya raisiwa kutja ya kuramene omahandurisiro wa imba mbe hi nehi mozohambo omurongo. 

Ovandu vetano okuza korukondwa rwa Tjozondjupa na vetano kuza kotukondwa twa Khomasa, Oshana, Okavango Koutokero, Ozambezi na Kunene.  

Ovaningire avehe kumwe ya ri 1268 nu muwo o 36 uriri oovomana nga siswa kutja ye hindwe komurungu kOministera yOtutumbo nOvikunwa, Omeva nOmatungururiro Wehi. 

Ndja katoorora mo vetano ngunda omana ya hamboumwe aya za korukondwa rwa Erongo (2); Okhomasa; Okavango Koutokero; Oshikoto na Ohangwena.  Muwo vetano mbe ri ovarumendu novakazendu hamboumwe. 

Wina orukondwa rwa hara osarama indji Osommerau mu mwa handurisiwa otjimbumba tjovakune.

Nungwari mena rombura oheṋa mbe hi ya kara novikondwa.

Tji kwe ya komayandjero womeva ovirongo hambondatu mOngama, Otjiserandu; Otura; Otjiuamapeta; Okorohe; Ondjombo Yateku; Omangete; Ohaama nOtjijere. 

Motjiungura tjokupangiṋa ovaṱuta mokuungura omaihi, tje ri nai otjiungura tji tji kayendisiwa wina morukondwa rwa Maheke na Tjozondjupa otjokurora nokutarera, orukondwa rwa ungurisa Ozondora za Namibia ape kehi yengete ehinga.