Abraham Mwanyekange 

Omupolofeti Show Shakalunga wongeleka yo Last Generation Gathering international mOndangwa okwa ti oupolofeti iha u li longelwa ndele omaano aa pewa omunhu okudja kuKalunga. 

Shakalunga okwa lombwela Kundana ta ti ke uditile ombili oikundaneki eshi ta i nyane ovafita novapolofeti unene veengeleka doiveva. 

Okwa ti oikundaneki iha i tumbula ovafita osho yo ovapropheti momaifano avo ngaashi shina oku kala. 

“Oikundaneki paife ota i tushekifa koshiwana kutya oshe vene tweli luka omadina molwaashi oshiwana osha itavela moifokundaneki osho yo mee radio, nongeenge omunhu okwa udu ile a lesha ehokololo oheli kufako lili mondjila, “ta ti. 

Shakalunga okwa ti oupolofeti, ouevangelist osho yo oupastori omaano okudja kukalunga a pewa omunhu, lesha embo laa Ephesians 4:11 omotohange ouyelele aushe ndele ina mu popiwa uye kutya ongeenege ashike waya kofikola opo todulu oku ufanwa pastori,” ta ti. Okwa ti itakelele oikundaneki ipitife omauyelele ngaashi ya ufwa ndele vati naipitife yoo nomauwa oo aa ningwa kongeleka. 

“Eengeleka ohadivelula, ohadixungu ovanhu eemwenyo doo natango ohadi yandje omakwafo opaulumomhumbwe koshiwana, ”ta ti. 

Okwa indila oikundaneki opo iye keengeleka ika kufeko omauyelele e na sha nomauwa a ningilwa ovanhu, ta ti vamwe ovaveluka nokuli komaudu avo. 

, “Omolwashike aishe oyo iha mu pitifa ashike ngeenge okwa tiwa pastoli okwa ninga epuko nena oha mu tondokele onghundana oyo, ta ti. 

Shakalunga okwa indila oshiwana opo shi kale shina ohole osho yo ombili. 

Okwa weda po ta ti oshiwana na shi lilonge okupwilikina komahokololo okudja keembinga mbali. 

“Oshiwana na shitule outondwe kokule, ndele tashi diinine outeku washo tashi shiiva kutya oinima aishe ohai kala ina oushili. 

Shakalunga okwa pula ovafita vakwao opo va longele kumwe. 

“Natulongeni kumwe vafita vakwetu, nongeenge owa mono mumwanyoko a ninga epuko inda puye ndele to mupukulula nombili, molwaashi nombiibeli osho ta i popi, “ta ti. -abbenghilai@gmail.com