Ngopolo Konooli osho yo Kush Konooli ova ti opo va kaleke po ekwatafano lavo liwa ongovamwainafana, ova panga omhangela opo va tameke okushika eengalo davo,
nova shivika nawa nedina Northgang.
Ngopolo okwa ti eshi she va fininika opo va tameke okushika eengalo, ova kala hava pwilikine oradio yaina, oyo ya li hai shiki eengalo hadi va hafifa, nova kala hava imbile pamwe.
“Otwa kala hatu litu omukumo kutya limwe lomomafiku out na oku ka ya kokule nolweendo eli,” ta ti.
Ngopolo okwa twikila kutya, shaashi okukendabala okudule okumwena, yo ofikola nayo inai va twala kokule, vati ova tameka okushika eengalo davo, osho sha kala tashi va endele nawa apa naapenya.
“Ashike nande ongaho, ohatu kala nokutaalela omashongo ovanhu tava vake po eengalo detu, vo tave di shiki meebotolo davo, da fa davo,” ta ti.
Okwa ti ohashi va patele pondje shaashi ihava mono vali omhito yokushivwa, va dule oku ka mwenyeka oivilo yakula, vo va dule okumona po ofilinga.
“Ngaho ohatu kana ashike, fye oshe tu pula ondjila ile, opo tu ete po eengalo detu,” ta ti.
Ashike nande ongaho, vati ohava shiki eengalo tadi mwenyeke ovanyasha doo tadi tungu oshiwana momikalo da yooloka.
Okwa twikila kutya ohava mono mo ngaho oshimaliwa apa naapenya, no tava indile ovaetipo voivilo yakula noishona va tameke oku va dimbuluka.
Komapandja avo omalungula ove li ko nedina Northgang, nongeenge omunhu we va pumbwa oko ashike to va hange.