Abraham Mwanyekange
Eesekundofikola Uukule nIipumbu ota di kakala nomaudano ovanafikola moshivike shomafiku 20 Febuluali.
Osekundofikola yUukule oi li moshikandjohongo shOnyaanya omanga Iipumbu e li mwaashi shaShakati. Omuwiliki womaudano kUukule, Andimba James okwa ti okwa teelela eesekundofikola moNamibia aishe di ka kufe ombinga momaudano a yoolokafana kUukule. James ta ti elalakano linene okweeta elongelokumwe momaudano, okuyambula po oipewa yovanafikola osho yo okulikufa oudja. Vincent Petrus omukwatelikomesho womaudano mwIipumbu okwa ti ofikola yavo oya hala okuongela oshimaliwa opo i shive okulanda obesa yofikola. “Iipumbu okwa kula nonghee otwa pumbwa osheendifo shoku tu vatela,” Petrus ta ti.
Ovawiliki aveshe ova pula ovaholi vomaudano ngeenge otava i tuu ile ota va ilwa. “Amushe otwe mu teelela mu tu waimine,” James naPetrus tava indile. Omaudhano eefikola ohaa ningwa keshe kodula nopaife ope na omanyakwa odula ya dja ko oo kwa li a vena po omapapa momaudano a yooloka kUukule ngaashi: okatanga kokeemhadi koomeme oIipumbu sekondele , okatanga kokeemhadi kovalumenhu oUukule sekondele, okatanga komokambaba oUukule secondele omanga ovoli enyakwa oNehale sekondele.
Omanyakwa odula ya djako kwIipumbu ongaashi: okatanga komokambaba Eheke, okatanga kokeemhadi kovalumenhu Oshela omanga kovakainhu oIipumbu sekondele.