ONGWEDIVA – Elelodoolopa yaShakati ola yandja etumwalaka kovashingi veebesa ava ve lihanena odoolopa, va ninga oupale vokulondekela, va kale va tembukila komatala oku ve na okukala tava londekele. 

Etumwal aka ola e twa po kelelodoolopa konima eshi la kala omutumba, nokulinyika komilungu nehangano loRoad Transportation Board of Namibia, opo va dule okunghonopeka nokutula eendjidikila edi moilonga. 

Omupopiliko wodoolopa Martin Kapuka okwa ti elalakano lokushuna ovashingi veebesa kokapale unene okukaleka po elandulafan o modoolopa. 

“Ovanhu paife ove li ashike mumwe. Odoolopa kai twifa vali olwisho ngaashi ya kala, shaashi omakuyunguto pokati kovashingi veebesa osho yo ovatwaalelwa paife okwa ninga ashike ahapu shaashi ovanhu ove li unene mumwe,” ta ti. 

Okwa twikila kutya ovashingi ava ove na okapale kavo ka tungwa komatala, oko ka patululilwe pambelewa komupresidenete Hage Geingob, ashike ove kalongifa ashike oule wefimbo lishona, nova shuna koKatana Service. 

Sion Hauwanga omushingi woinano ile okwa ti ovashingi vakwao eshi va dja komatala osheshi oku li komilamheno. 

“Koima oko ihatu mono ko lela eekastoma, ko vali okwa finana. 

Ngaashi nee fye ava twoutuwa vouseven-seater katu na kutya ohatu londekele peni, mbela ngeenge oshiima osha tameke okudengela, ohatu kala ashike hatu londekele pedu shaashi komatala kaku na onhele yetu,” ta ti. 

-taimihaihambo2000@gmail.com