Ye w omba pomuini pombambara ye punda! Orupa orutjavari rwomatungiro wa Zombuzovindimba maye unaunwa tjinene kozondavi zomiti vyOtjirata tjEhi Tjovirumatwa, Onational Heritage Council (ONHC). 

Yarire ozombura kombunda womatungiro wa Zombuzovindimba otja tji ye munika nai. Otjikando otjisenina pa ri omatungiro ngahino aya ri inga wotjiraisiro kOzombuzovindimba okupita mOtjinene. Orupa kehi yotjikamangarate tjonganda onane yovikamangarate vyomatungiro wozondjuwo indji yondekurona Marley Tjitjo karuyeya. 

Nambano mape zuvakwa ayo ONHC ya penduka mozomboṱu zouvi nozondjo nungwari nḓe he ri yazo oini uriri nungwari zotjiwaṋa mena rozondjakaha nozohaṋi mokati na pokati katjo. 

Orupa orutenga rwa tungwa nombatero yOmihoko Omikutasane kehi yomawombororero wOkomiti yOtjiṱiro Otjindjandja, oruveze ndo ndjai tjiukwa otjOvaherero Ovambanderu Genocide Foundation, ousupi OOGF. Nouhonapare wOmbazu wOvaherero nu okuza komautiro wondando nondunge yomatungiro wa Zombuzovindimba nambano tji ya toora otjikara nomuhunga ape zikamisiwa okomiti yovanḓero norupa motjiwaṋa. Mu mwari oviṱo avihe, muwari vyombazu kehi yozombara zomauhonapare ayehe nge rarera nokupendukira nokunanena mOkarukondwa kOmatoororero ka Tjinene. 

Umwe wouzeu mbwee kukara po, orupa orutenga rworuveze ndwi tji rwa za nokumanuka ondjirakati oruveze rwa ririsiwa otjirumatwa t jehi. Kehi yondjeverero yohoromende okutuurungira mOtjirata Tjehi Tjovirumatwa, ONHC. Posi ya ape kara ombambaukire nomapitasaneno pokati komauhonapare wombazu noNHC. Mena rombambaukire ndji, oruveze indwi aru ye kusana ayo ehwe ra ngu nepingo, ondjou ya ngu nenga. Nganda muzo amu utu okusuvisiwa ovayaruke otja korutjato rwakangamwa omauhonapare wombazu mOkarukondwa kOmatoororero ka Tjinene. Nu nangwari nokuhina omatyasaneno wotjiwaṋa atjihe tjozondekurona zOtjiṱiro Otjindjandja ozo azehe pamwe nḓa sere okukara nondyero nOzombuzovindimba pamwe pu nONHC. 

Mo 2024 omawonya wombambaukire indji ya nyatururirwe indi otjimbumba tjovanane vombazu okuza kOtjinene nozondekurona tjiva okuza mOGF tji ze yere okuyekuhakayena novanane vONHC kehi yotjiuru tjayo Erica Ndalikokule. Omahakayeneno inga nga sere okukongorerwa i yombongarero onene yovanarupa mOzombuzovindimba mu mu nozondekurona zOtjiṱiro Otjindjandja; ovanane vombazu nONHC. Pu pe hi nongahukiro kutja ombongarero ndji ya kara ko. Ndino ndi omambo owo ngo kutja omatungiro oyetjavari ya