New Era Newspaper

New Era Epaper
Icon Collap
...
Home / Kansela gwanare gwaSWAPO kakalipakerere koIPC

Kansela gwanare gwaSWAPO kakalipakerere koIPC

2021-04-15  Obrien Simasiku

Kansela gwanare gwaSWAPO kakalipakerere koIPC

Omuthiya - Kansela gwanare gombunga zaSWAPO momukunda Oshikoto Armas Amukoto katente asi age ana tundumo mombunga zaSWAPO morwa magano gendi gokurwanesa ukorkotji melikwamo lyaSWAPO kapi yamuvatera kwatwaredera tupu akazumbanesa evango lyendi morwa vana heap kupopera uwa wavene. Amukoto kakalipakerere nye mombunga zaIndependence Patriots for Change mvhura ezi zina puko ano age ngesi kuna kara nye asi mugwanekedesi gombunga ezi IPC ndi asi munasipundi momukunda gwaOshikoto. Ame kwato yage yina karamu hena mombunga zaSWAPO; maruha gage nagenye kwaga kwete woowo vakere asi awo kuna kupopera uwa wawo kuhamena umbondo mombunga zaswapo. Elikwamo lyawo kwatameka nare ame simpe kansela – ame natamekere kupura yininke eyi namwene asi kapi yina wapa. Makura awo yipo nye vazedira evero lyange omu vapilire kupulisirange asi nisikame hena poposa zange’’’, yimo ngoso ana kutanta Amukoto posiruwo oso kazimugwene sayitunga zaNew Era.

Amukoto kapin vamupulisilire asi kame asi kandindate goukansela momukunda gwaOmuthiya opo vapongere mepongo lyokutara asi wolye vakandindate. Age kapi nye gapitire etarururo lyendi morwa vakwawo kwamudivire asi age kuna kuvatera Dr. Panduleni Itula, ogu gasikeme asi kandindate gopaumwe komeho aka ture pombunga zendi IPC. 

Susana Uukongo, ogu gakere asi kansela godoropa zaOmuthiya gombunga zaSWAPO, nage kakalipakerere nye koIPC sinkwa ntani age ngesi kuna kara nye asi gumwe ana kara mokomitiye zepisuro. Age kapi yamutompokere omu vatere asi kupi vana sikamene mombunga zaSWAPO makura age gumwe nage gagwireko. Uukongo katanterere sayitunga zaNew Era asi age ana zi ko IPC morwa kuna hara nye kukatura ekuliko pangenderera eyi ngayikara asi wovanzi tavaparukiremo. ‘’ mbunga zaSWAPO kapin zaruganena vantu –ntani ame kapi tani kara nelikwamo olyo lina kara asi kapisi lyokusikisamo eyi vana hara vantu. Yiyo nyue asi sinzi sovantu kwahoroworange ame’; vantu ava vadiva asi ame ngapi anarugana. 

 

Swapo gwandjikitji

Mugwanekedesi gombunga zaSWAPO Armas Amukwiyu katente asi mbunga zaswapo kuna sikama ndjkitji, morwa owo vana kudukamo twavadivire nare asi awo vanazi kwakere tupu ngwendi marandambongo. Makura mbunga zetu yipo zavasilikire kusikama nampili kukara melikwamo nkenye lyoumpitisili waSWAPO, morwa kapi vakere vantu wovawa. Ose kapi yin a turetere sitetu; ose twadivire asi owo kun a kuvandavanda tupu. Makura yipo nye twatokwere asi kapi vana wapere hena vakare moumpitisili wombunga zetu, morwa kapi vakara nousili awo kutura nye nkenye eyi tuna kuzogera mombunga poruzera; yimo ana kutanta ngoso Armas Amukwiyu.

-osimasiku@nepc.com.na


2021-04-15  Obrien Simasiku

Share on social media