Elelo lyondoolopa yaNdangwa olya longekindha omaudhano ga yooloka okuza nena sigo Osoondaha. 

Omugandji gomauyelele melelo lyondoolopa lyOndangwa Petrina Shitalangaho-Mutikisha okwa ti, oya longekindhaomaundhanogayooloka okuza ketanga lyokoompandhi aakiintu naalumentu, etanga l yomokamb amb a os h owo lyokukeelelwa. 

“Uundhano mboka otau ka dhanenwa muupale wa yooloka, koAndimba Toivo yaToivo, komanzulonkalo oshowo kokapale koondhila,” ta ti ngaaka. 

Ta fatulula kutya uudhano mboka owa longekindhwa okuhxahxameka omaundhano oshowo okulongekindha okapale komaundhano okanene hoka keli metifa okutungwa mOndangwa. 

Shitalangaho-Mutikisha okwa ti oosipana ndhoka tadhi ka sindana otadhi kapewa omagano goshimaliwa oshowo oombandi. 

Natango mehuulilo shiwike kOnayena okuna omaudhano gokatanga kokoompandhi taga ithanwa Mathew Shoongo community Cup. 

Ngoloneya gwoshitopolwa shaShana okwa popi kutya omaudhano oshinima sha simana no haga ndhana onghandangala moshigwana. 

“Nuumvo otwa tokola opo tu longekidhe omaudhano ga yooloka opo ku yambidhidhe aakalimo yomoshitopolwa shaShana momikalo dha yooloka,” ta ti ngaaka. 

Ta ti, ondoolopa yaShakati oya kala noku longekindha omaundhano ga yooloka ngoka ga kala noku ningilwa mokapale kemanguluko kOshakati. 

Ta gwedha po kutya ondoolopa yaNgwediva, nayo oya ipyakindhila nokutunga okapale komaudhano kopamuthika gwoshinanena. 

Omumvo gwa ziko mOshana omwa dhanena natango omaudhano gomahangano ga yama kepangelo taga ithanwa State-Owned Enterprise (SOE) Games gali ga dhanenwa mOshakati. 

Oomunashipundi gwomaudhano ngoka SOE Albert Khevare, okwa popile kutya elalakano lyokueta omandhano ngoka konooli oku ninga ekwatathano nomahangano omakwao oshowo okuxwaxwameka omaundhano konooli. 

Khevare okwa gwedha ko wo kutya okapale kOshakati Independence Stadium okeli pamuthika gwoku ningilwa omaundhano ga yooloka. 

vkaapanda@nepc.com.na