Okaana kokamati kodula neemwedi nhano, Nghitukutate, oka fya Etivali eshi ka lika keyoka meumbo lavo momukunda Otjohorongo, moshitukulwa Erongo.

Omukwatakanifi womakonaakono oimbuluma moshitukulwa shErongo Erastus Iikuyu okwa hokolola ta ti Alberto Antonio okwa li a nangala monduda pamwe novakulunhu vaye eshi a tameka okukwena efimbo lile.

Antonio okwa tameka okukala a lela, onghee eshi osha ka limbilika ovakulunhu vaye.

Lwopo 02h00 ovakulunhu ove mu twala kokapangelo kopOmatjene, ashike mupya munene okaana aka xulifila mondjila yokuya koshipangelo.

Manga ve li koshipangelo ovaneumbo vambulavo ova ka hada mo monduda nova hanga mo eyoka longolonyoka.

Ova hokolola nomaliudo taa limbilike kutya pamwe mboli olo la lya okaana. Eyoka tuu olo ola dipawa kovanhu vomeumbo omo efiku olo, noku litwala kopolifi.

Olutu lokaana aka ola twalwa kokila yopolifi yaWalvis Bay opo li ka ningilwe omakonaakono.