Om u k u l u n t u g w e l o n g o m o s h i t o p o l w a shaShikoto Aletta Eises okwa kumagidha oosikola tadhi pula aavali oshimaliwa shokutaamba aanona moosikola petameko lyomumvo dhi shi hulithe po.
“Inandi hala oku uva oosikola moshitopolwa shaShikoto tadhi pula aavali oshimaliwa, ihe naya taambe aanona pamulandu ngoka gu li po,” ta nyenyeta ngaaka. Ta ti, otaka katukila onkatu osikola tayi tsikile okupula aavali oshimaliwa, opo ya taambe aalongwa moosikola.
Eises okwa ti, oshitopolwa shaShikoto inashi taalela uupyakadhi wetaambo lyaanona, oshoka aalongwa ayehe mboka ye li 72 377 ya li ya ningi omayindilo omumvo gwa zi ko, oya m o n e n w a o m a h a l a . “Aanona yeli 4 226 mboka ya li ya ningi omayindilo gondondo 10 omumvo gwa yi oya monenwa omahala goosikola. Uupyakadhi ashike uushona, ihe haunene, wa taalela oosikola dhimwe ooshona momundhingoloko gwoTsumeb,” ta ti ngaaka.
Ta ti, mboka yookongundu dhopevi, otaya ka tameka okuninga omayalulo Omaandaha tage ya opo ya vule okugandja omwaalu gwaanona taya pumbiwa moongundu dha yooloka. Ta gwedha po ta ti, ota kwashilipaleke kutya sigo onena ina tsakaneka omanyenyeto gaanona ye na uupyakadhi wetaambo lyoosikola.
“Ngele ope na yamwe, inaaya tseyithilwa natango, oye na okumona omahala ashike,’’ ta popi ngaaka. Ta ti, omayindilo gosikola okwa li ga tameke noku hula omvo gwayi, mboka taya kongo petameko mpaka oomboka inaaya mona omahala koosikola hoka kwa li yu udhithila oshowo molwomatompelo omakwawo ga gwedhwa po.
Omuvali gumwe okwali a nyenyeta okupitila moradio yaKati FM kutya, aalongi yamwe otaya pula iimaliwa opo ya taambe aanona. “Ano otashi ti ngiini ngele taku popiwa kutya elongo olyoshali. Ngele katu na oshimaliwa nena aanona yetu itaya taambulwa?” ta pula ngaaka.
Ta gwedha po kutya oya hala okufatululilwa elongo lyoshali oshoka otaya mono iihuna koosikola, mwa kwatelwa uupyakadhi w o m i s h o l o n d o n d o dhoosikola. Omuvali ngoka okwa ti, okwa uvu natango omanyenyeto ga faathana moshigwana sho osho a tokola oku shi nyenyeta mombepo.
vkaapanda@nda@nepc.com. na