WINDHOEK- Ohela ongundu yaatoolinkundana noshowo aagandjimayele yowina komupresidente Hage Geingob oya li ya ningi ooyihontali peegululo lyoshikonga shetalululo lyoNamibia Africa Peer Review Mechanism (APRM) noNational Governing Council noshowo eshainozimino kombinga yoTechnical Assessment Mission nekuthombinga lyapangelo moshikonga sho-APRM.
Oshiningwanima shoka osha ningilwa kegumbo lyepangelo moshilandopangelo.
Namibia okwa li a kutha ombinga mo-APRM momumvo 2017, shoka sha li sha ningilwa koAddis Ababa, Ethopia, pethimbo lyoshigongi shomitse dhiilongo .
Geingob ngoka a popitha aatoolinkundana kegumbo lyepangelo opo a langeke papangelo oshikongatalululo shoka okwa hokolola kutya Namibia okwa li a ningi omapekaapeko gu uka mwaayihe mbyoka ya yama koshikonga shoka omumvo 2018/19 nkene ye na okukala ya sindana moshikonga shika noshowo esimano lyasho.
“APRM, ota dhana onkandangala mokukwathela enenevi lyaAfrica moku indjipaleka ehumokomeho noshowo okukondolola nawa ehukulalakano lyawo lyoomvula omulongo dhopetameko noshowo ondungedhilaadhilo yoAgenda 2063 miilongo ayihe mbyoka yi li iilyo yOngongahangano yaAfrica (AU),” Geingob ta hokolola ngaaka.
Okwa tsikile ko ta ti ngashingeyi iilongo ya adha po38 oyi li iilyo yoshikonga shoka, shoka tashi gandja ompito ombwaanawa okutalulula oonkjatu ndhoka dhi li po.
Omupresidente okwa hokolola kutya ngashiingeyi APRM okwa gwedha komusholondondo gwa simana menenevi lyaAfrica moshikonga shopaveta onkene Namibia oku na oshimpwiyu shokuninga enenevi Africa ehala ehwepo.
“Onkene ngashingeyi otu na etimaumbwile kutya okupitila metulo miilonga oshikonga shika hwepo , Africa ota ka lundulula elelo lye papangelo,” osho a hokolola ngaaka komeho gaayehe mboka ya li oontaliyiho pethimbo ndyoka.
Okwa ti wo kutya Africa ya hala unene ngashingeyi oondyoka lyi na iinima yi li puuwayela noshowo tali lelwa kompango nokuudemokoli.
“Otywa hala Africa lyi na onakuyiwa tayi adhima, moka aagundjuka naakiintu oyo taya ka kala ooshikwetepo mokuhinga uuwananwa nehumokomeho.” Enenevi lyaa na okudhengela ondhi peho naamoka aakalimo ayehe taya ka mona uuwananwa okuza moonzo otutututu ndhoka dhi li mo.” osho a hokolola ngaka.