Omupopiliko wouministeli weendjila noyeendifo Julius Ngwenda okwa ti itaku ka pitikwa oshimaliwa shoTaxi shi wedelwe noN$13.
Okwa yelifa ta ti eshi kashi li pauyuuki shaashi ondado yolefa itai dulu okukala ya wedelwa neepelesenda 100.
Ngwenda okwa ti ope na okatendo ka tulwa po opo ka kale taka landulwa ngee tashi ya kewedelo leendado deelefa nelalakano opo omahangano oo a kalela po oyeendifo e liufe komilandu. Meenghundafana a ninga naKundana Etivali Ngwenda okwa ti ombelewa yavo fiyo opapa ina i mona omukanda wa dja kehangano loyeendifo tau pula ondado yolefa i kale ya wedelwa.
Onghee okwa ti oshiwana nashi xulife po okulandula ouyelele woipupulu kutya ondado yeelefa otai wedelwa.
“Oshiwana ina shi pumbwa okukala sha ngwangwana shaashi ouministeli iha u fikile tau pitike ondado yeelefa i wedelwe ashike oha ku ningwa tete omakonakono,” ta ti.
Okwa kumaida oshiwana opo shi ha futifwe oshimaliwa sha pitilia.
Ovakwashiwana vamwe ova lombwela Kundana tava ti ngeenge oTaxi oya ningi N$26-00 otashi ka kala eshongo shinene kovanafikola noshoyo kovanhu ve na oyuuyemo i li pedu.
Ova pula ouministeli yeendjila noyeendifo opo iha pitike oTaxi iha wedelwe N$13-00 shaashi otai ka kala ina ondilo unene.
fhamalwa@nepc.com.na