Kansela woshikandjohololo shaShikango Esther Ndatala Nghidimbwa meenghundafana a ninga naKundana okwa ti ovakalimo vahapu vomoshikandjohoololo shaye onghee natango tava twikile okukala vehe na oufemba woukwashiwana.
Nghidimbwa okwa hokolola ta ti eli oli li eshongo lakula ovanhu vahapu va taalela shaashi kave na oufemba, unene tuu ovakulupe ava va pumbwa eedokumende dopashiwana opo va kale tava kwata opendjela.
“Ombelewa yange oya ninga eenghendabala opo i kale tai twala ovanhu kEenhana kombelewa yokuyandja oufemba. Mongaha ovanhu ve li 85 ova mona oufemba wavo ngaashi oumutwe neendjapo domadalo,” Nghidimbwa ta ti.
Kensela ota ti oshiwana ohashi ya shi li momwaalu uhapu sha ngudumana pombelewa yaye yoshikandjohoololo sha hala ekwafo lokumona oufemba.
Okwa hokolola ta ti ovanhu ava ova taalela eshongo loshimaliwa ile osheendifo shokuya kEenhana va ka konge oufemba.
“Ounona vamwe ngaashi eefiye i hadimono ekwafo loshimaliwa shaashii ka vena oufemba, onghee ombelewa yange ota i kaifana eefiye adishe domoshikandjohololo odo dihena oufemba opo pa ningwe onghendambala nghee vena oku kala va pewa oufemba, voo vashiive va mone omayakulo epangelo,” Nghidimbwa ta ti.
Okwa weda po ta ti ombelewa yaye oya tula omafaneko ahapu moilonga ena oku kala a ningwa odula ei ngaashi oku tunga onhele yomangeshefelo yovanangeshefa va shona opo valandife oinima yavo yoshiwambo nosho tuu.
Kansela okwa ti vali ombelewa yaye ota i katunga okapale okomaundano kovanyasha keli pashinanena, nokweta po yoo neeprograma doikunino opo ovanyasha va kufe ombinga mounamapya.
Pexulilo okwa kunghulila oshiwana opo shi longele kumwe nombelewa yaye, yee tayelifa ta ti ombelewa oyo shiwana onghee ota i lalakanene okuyandja omayakulo kovanhu aveshe.