Loide Jason
Ovanhu veli 15 ava kwa li va kwatwa po molwa oku li kufila omadu moshilandopangelo ova mangululwa oku dja modolongo konima eshi va pewa opo va kale veli futilwa mo modolongo. Ovanhu ovo ovakalimo vokolukanda Otjiomuise omanga vamwe ova dja kolukanda Mukwanangobe.
Omukonakoni woimbuluma wopolifi woshitukulwa shaKhomas Nikolaus Kupembona okwa ti ovanhu aveshe ava kwa li va kwatwa po ova pewa opo veli futile mo modolongo koshimaliwa shi li pokati N$300 noN$1000. Oshimbofa osha undulilwa komafiku 21 Okotoba neudo opo opolifi ikale ya ninga omakonakono.
Okwa yelifa ta ti ongudu yovalumenhu veli omuwoyi novakainhu vahamhano ova dja mo modolongo paife. Deputy Commissioner Kauna Shikwambi wokoshikondo shoku yandja ouyelele wopolifi okwa ti ongudu yovanhu ava kwa li va kwatwa po otava pangulilwa eshi kwa li tava kandambala oku denga etuwa dovanambelewa vopolifi, naashi kwa li tava kendambala oku lwifa opolifi pefimbo kwa li tai longo.
Etitatu loshivike sha djako opolifi oye li puma mumwe noshiwana eshi kwa li tashi kendambala opo shinyeke po edu shi eli papitikilo komalukanda avali omoWindhoek. Naashi okwa li sha pula opo kakukutu komatanga opolifi Sebasitian Ndeitunga opo a kufe ombinga koshikumungu eshi, omo kwa li tapopi ta ti ota yanauna po oilyo yookansela vomelelo loshilando shaWindhoek.
Efiku olo oshiwana okwa li sha tameka okukokola edu opo va shiive okutunga po omaumbo avo, ashike okwa li va lombwelwa kopolifi opo va xulife po okukokola oixwa ponhele opo. Ovambelewa vopolifi efiku olo ova yanauna po eebashu dovanhu va tunga shi eli patikilo kolukanda Mukwanangobe moWindhoek, moshikandjohoololo shaTobias
Hianyeko.