Ongahukiro kutja tjitjasewako ohunga nOnḓuvasaneno yApamue pokati kohoromende ya Namibia no yEhi rOvanoditji okutuako otjikamo konyungu yayo.

Otja kehungi rOministera yOndjivisiro nOuonongo nOvihakaenise Vyakandinondi, Emma Theofelus. 

Muro mokupata eyuva etenga rombongarero yorutu indui Oopen Society, nduna otjiṋa noupaturuke moviwaṋa mouye. 

Ondekurona Jephta Nguherimo wa tuiire ondanga mezuko tja purire kutja hapo onguaye ohoromende ya Namibia, ombura ndjazuko ndjeri kuambere kotjiposa Osouth Africa tji ya hitisa mOtjombanguriro Tjousemba Tjouye ngunda mehi re Ovaherero nOvakuena avena ouzeu tjingewo wOtjiṱiro Otjindjandja po siya ohoromende yao kaiye vetuarera otjiposa tjawo kotjombanguriro itjo. 

Nguari Oministera yOusemba Moveta, Yvonne Dausab, ma raisa kutja itjo otjihungiriro tjOvanamibia oveni tji va haasere oku hungirira momurungu wovandu varue. Nunguari eye omuni otjomundu nu wina ondekurona ongurameno ye opuiiri mehungi ndayandjere auhe oku rizuvira. 

Po siya ohepero okuyandjera ohoromende ombe okutara kutja epu indi ma yi hungamisa tjiṋe nOvanamibia ama ve kara nehungi kumue no ku tara kutja tjii hapo ohorongo onya mai tuarapi. 

Ohahende nondekurona wina yozombinḓu yOukuena nOuherero pendje nyOundoitji, Otjiuru Otjipitise mOmberoo yOministera Ondenga, Gladice Pickering, matja ohoromende ya Namibia ya toorora ondjira yomatiasaneno pendje naindjo yoveta.

Ondekurona wina nohahende, Norman Tjombe, wa yata pehi kutja ondjesiro ndja ningirua iyEhi rOvandoitji otjitanga kaorerengo no ndjambu koviwaṋa mbya ihamua. 

Wina Ehi rOvandoitji tjiritja ootjisuta nu tji mari totisa oure wozombura o-30 kanaa tjivaza kaparukaze ihi tji ra suta Ovajuuta nOisrael nu di ri suta ngaa kundinondi.

Theofelus matja ombura ndjazuko Operesidenda ndja herikire kotjihavero omueze mbuazuko, Nangolo Mbumba, wajinda owo kehi ye oruveze indo, Netumbo Nandi-Ndaitwah, okutjita kutja ombuze yOnduvasaneno indji ihandjauke mokati kotjiwana atjihe tji tja ihamisiwa iyohuurire yEhi rOvandoitji.Na raisa kutja nai otjiungura tjo ku handjaura Onduvasaneno yApamue nanbamo tjasewa na guarire Operesidenda yOkehi, Lucia Witbooi, eye wina mousemba we omuini nguri ondekurona yOtjitiro Otjindjandja.

“Okutja ohoromende yOrepapirika ya Namibia nai iri pondondo eseinina yOJD nu omakayendero wokomurungu mo kuna kutja hapo OJD izara ozonḓero za kangamua Omunamibia auhe nu tjinene oviwana imbi mbyaihamua yakarapo,” Theofelus matja. 

Tjinga oviwaṋa ombura ndjazuko avya perue ondaze. Kokutja Ehi rOvandoitji rayakura kutja pari Otjitiro Otjindjandja, mariningire ondjersiro na ri sutu otjisuta. 

Po siya umue wovahungire motjihungiriro tji tjaripo tji tja tarerer momapu omengi pekepeke muwo mu muna Otjiṱiro Otjindjandja.