Usesu mokugava mema monomulihu daNamwater konomukunda dokomuzogo kuna kuninkisa vatungimo vagende sinano sosire vakavete mema momatope nomamakero mema aga navayaryuganesa vantu.
Udigu womema ou kuna gumu nomukunda horowero dononzi momuknda gwaOhangwena, Omusati ntani Oshikoto eyi yina kara asi kuna kukanduka unene kutunda tupu opo yatameka asi nomulihu daNamwater kapi dina kugava mema moomu yawapera.
Kupira kuroka mvhura yimwe yina kugava udigu ou mokuzonagura nye mukaro. Vakansela wonomukunda kavatente asi udigu wangesi nare vaugava kwaNamwater nye kapi vana ugusapo simpe.
Apa kahuyungire kosayitunga zaNew Era, munasipundi gondango zovakansela momukunda horowero gwaOmusati, Andreas Shintana kayitjangwilire asi mukaro nye ogu goudigu womema kuna kudigopeka eparu lyovantu morwa kuna kara asi kapi tuna kara nomema gokuzera hena gokuvhura kunwa vantu.
Shintama katente asi Omusati kwakara nonomukunda horowero dononzi edi dina kara moudigu wokugwana mema, ano vatungimo kuna kuyimona asi epangero kapi lyayitompoka mokugusapo udigu ou womema. ‘’ Udigu ou womema kapi una kara asi kovantu kwelike nye kuna gumu noyimiuna yawo. Vantu kuna kugenda 10 km ngoso, vaze oku navakagwana mema, goyimuna yawo,’’ yimo ngoso ana kutanta.
Vantu kuna kugusa novili dononzi vana kundindira asi nodini dawo dizure mema ano vamwe kuna kunwa nye mema gomungwaangwa aga gana kutunda momakero.
Festus Ikanda, ogu ana kara asi kansela gwaEpembe, moOhangwena, vazina kuna kugenda sinano sosire omu vana kukapapara mema gomawa vayanwe vanona vawo, morwa awo kapi ava nu mema gomomakero sugu ndi nondjombo. Vatungimo nkenye apa kuyasikama komberewa zange asi vana hara mema, ame nakambadara nye dogoro ngesi kwato eyi yina horokako,’’ yimo ana kutanta.
Ogu nage kahuyungire kosayitunga zaNew Era, mukurona godoropa zaOmuthiya, Jhannes Ndeutapo katente asi mukaro ogu gokugwana mema gomasesu kuna kara udigu wounene modoropa.
Muhuyungilipo Namwater John Shiwedha kayitente asi Namwater ana divako Yuma koudigu ou, nokutanta asi awo navakadingura nomukunda edi nokukatara asi ngapi udigu ou omu unagumu vantu vatunga konomukunda odo dokomuzogo.
Nokutanta asi Namwater kudingura nomukunda edi Ohangwena, Omusati, Oshana ntani Oshikoto omu ava gwanekere novanguuru wonomukunda ntani vatungimo monomukunda odo.
Nokutanta asi nomukunda dimwe nawa tupu morwa awo kugwana mema gomawa momakero gawo. Nokuvatantera asi namwater nakagwederera mavango omu navakagwana vantu mema monomukunda edi yina gumu. ‘’ Magano gomanzi kuna kugaturapo omu navakayitura moyirugana vakagusepo udigu ou.
Namwater katumbwidilire asi navakarugana moomu vavhulira vakagwedeko egawo mema eli monomukunda ngwendi Ondangwa, Oshakati , Outapi nadimwe ngoso vahanese unene mavango gokugwanena mema.
Age katente asi mukurona gwawo ntani vagendesi vakwawo, sinkwa ntani kavakadingwire oku aga tundu mema moAmgola, yipo asi vatare asi ngapi gana kugenda mema. Shiwedha katente asi awo kuna kuturapo nokanale yipo mema vagagwane noureru unene yimuna.
Age katente asi nonakmbadaro nare podili omu vanalituramo mokukagusapo udigu ou womema. Yimo ngoso ana kugwedako.
– fhamalwa@nepc.com.na