ONGWEDIVA – Omhangulilo yamangestalata waShakati oya anyena elifutilemo ovakainhu vavali tava tamakelwa oshibofa shekwatonghonga.
Anatolia Petrus (29) naRauha Pinhas (33) ova tulwa moipandeko kopolifi konima eshi vati va kwata onghonga omulumenhu e na ounghundi wopamadiladilo keenghono.
Ovafekelwa ava ova holoka momangu yaShakati onghela nokupangulwa eshi va kwata omulumenhu weedula 22 keenghono momwedi Mei naJuni. Okwa lopotwa yoo kutya ovafekelwa ava ova kala nokukala hava talele po eumbo loshihakanwa nokuya naye momilele inadi pitikwa. Omukwanedimo umwe woshihakanwa oye a yandja ouyelele kopolifi opo va dule okutula ovafekelwa moipandeko.
Pefimbo lomhangu, omweeti woihokolola yepangelo Yeukai Kangira okwa popya kutya oshinima eshi, oshiningwanima shikumifi. Ta ti ovafekelwa ava ova nyonauna oufemba womulumenhu ou ngaashi e u pewa kekotamhango laNamibia.
Ta ti ove lifininikila omulumenhu ou nonade ove shi shi nawa kutya oku na ounghundi wopamadiladilo. Oshibofa eshi osha undulilwa komafiku 28 Sepeteba 2023, omanga omakonakono taa pula komesho.
Caption: Va kala momakuma… Anatolia Petrus (29) naRauha Pinhas (33) ova anyenwa obooloha.