Likwambuyu wa Likolo la Mabasi uyalile mulao omunca wa Manyalo, ili otalima za kuzamaisa manyalo mwanaha Namibia, kunyatela ni kulemuha manyalo amañwi, hamoho cwalo ni litaba zeñwi. Mulao olelilwe ongelezi ni toloko ya manyalo, manyalo akwanda naha, yali mwalinyalo ni shutano mwahala baana ni basali, ukenisa kuli manyalo mwahala muuna ni muuna kapa musali ni musali hasika lumelelwa mwa Namibia kusa bilaezi kuli na konkiselizwe kai.

Mulao wo ha uka nyatelwa, ikaba muhato mwamulaho kubabali mwa silikani muuna ni muuna kapa musali ni musali, hamoho cwalo ni sicaba sa LGBTQI+, ba ba likile kulwanisa muuso kuli manyalo abona alumelelwe. “Mutayi wa kamaiso ya Mubuso ufilwe musebezi wakubukeleza milao, mipelelo ya sizo ni mikwa yamipilelo ya batu banaha Namibia,” nekubulezi Kawana mwandu ya milao Labubeli.

Naize mikwa yeo ya mipilelo ya sicaba ki simponi sa sicaba sa naha Namibia. “Kamucwaocwalo, ki kwabutokwa kuli milao italimwe sinca kukenisa fokusweu kuli manyalo mwahala muuna ni muuna kapa musali ni musali hasika lumelelwa mwanaha Namibia kakuli alwanisana ni mikwa ya sizo, ni litumelo za silumeli za sicaba sa naha Namibia,” nekutolokile likwambuyu. Naekelize kuli kuba ni tokwahalo yakuli milao yeñwi italimiwe sinca kapa ifeliswe kuli toloko ya manyalo ni yakena mwa manyalo ikeniswe.

Haiba inge unyatelwa Mulao omunca wa Manyalo uka miza mulao wakwamukunda one elelizwe ki membala wakopano ya Swapo Jerry EKandjo, wo ba ba munyaza ba ubiza mulao wakulwanisa ‘muuna ni muuna, musali ni musali ba ba li mwalibato.’ Milao ye mibeli ibata toloko yakuli ya swanela kuba mwa linyalo ki mañi, nikutalima sinca Mulao wa Manyalo wa 1961 kuli manyalo mwahala muuna ni muuna, musali ni musali asike alumelelwa mwanaha Namibia. Mapampili ao afapila Mueteleli Nangolo Mbumba kuli anyatelwe kapa ahaniwe.

Hakubapanywa ni mulao one usulilwe ki Ekandjo katengo ka makwambuyu kabata kutalima sinca kabutungi kamaiso ya manyalo, mi kafitisize mulelo wa Mulao wa manyalo omunca. “Kabaka leo, kuiketezwi kutaha ni mulao oshutana omunca kuzamaisa manyalo amulao mwa naha Namibia, nikutakula Mulao wa Manyalo wa 1961 (Mulao wa 25 wa 1961), kungelela cwalo nihane utalimilwe sinca,” nekubulezi Kawana.