Auleria Wakudumo

Ouministeli wouhaku owe likanyuna omapopyo nomauyelele a andjanekwa komalungula kutya oshipangelo shaKatutura otashi kongo ovapangi ovo vehe na oilonga.

Opa ninga omafiku pe na ouyelele tau tambulafanwa komalungula tau ti kutya ovapangi ava vehe na oilonga nove na ehalo loilonga nava twale omaindilo avo metungo lotete monduda onhimuwoi koshipangelo shaKatutura.

Ouyelele ou otau tandavelifwa unene komapandja opaungoba ngaashi koFacebook, WhatsApp noInstagram. Ouministeli wouhaku owa ti ouyelele ou owoipululu notau pukifa oshiwana.

Ouministeli owa ti oshiwana nashi didilike kutya omashivifo e na sha neyandjo loilonga mouministeli wouhaku ohaa pitifwa alushe pambelewa, okupi t i la ko s h ip e l e n d e shomauyelele, nomoikondo yepangelo ya yooloka, ashike ohau kala u na oshishako shopambelewa.

Ouminsteli owa londwela yoo oshiwana opo shi kotoke sho shiha ningwe oshihakanwa shoulingilingi.

-wakudumoauleria@gmail.com