Ovalumenhu veli vatatu ove li kufa eemwenyo mefiku limwe moitukulwa shahana noshaHangwena.
Aveshe ove li kufa eemwenyo Omaandaxa.
Otaku hokololwa Thomas Shukifeni weedula 24 e li tuwa e li meemhango monduda yaye yokunangala komukunda Ohadiva efimbo longula.
Omupopiliko wopolifi mOhangwena Sergeant Simeon Haufiku okwa hokolola ta ti omulumenhu ou okwa ninga eenghendabala dihapu doku li kufa omwenyo.
Vati okwa kala shito ha tetwa meemhango kovanaumbo vaye.
Oshiningwanima shikwao, omulumenhu weedula 27 David Hailonga okwe li tuwa meemhango momuti u li mepya lambulavo komukunda Eengava natango moshitukulwa shaHangwena.
Nkandi Amukwa weedula 43 ye okwe li tuwa meemhango monduda yaye yokunangala komukunda Oshuushe moshitukulwa shaShana.
Oonakufya aveshe ina fiya po omikanda tadi yandje ouyelele kombinga yomafyo avo.
Opolifi oya kumaida oshiwana opo shi ka konge omakwafo kovaxungimwenyo ile keengeleka ngeenge tashi hepekwa koupyakadi wopamadilaadilo.