Charles Ndeumane
Omunamimvo 30 Pauline Mbangula ngoka a kwatelwa pokapale koondhila kaOR Tambo International Airport moSouth Africa mOsoondaha nuumpunda 60 wococaine mepunda ota holoka nena mompangu.
Mbangula anuwa okwa kwatwa sho opolisi moSA anuwa ya yakelwa ko konzo kutya opu na omukiintu tazi koSao Paolo koBrazil uuka koSouth Africa ashike okwa humbata iingangamithi.
Opolisi oya adhika nale ye mu tegelela pokapale, sho a heluka okwa thikile moompango nopolisi oye mu fala mbala koshipangelo hoka omafano goX-ray gamono kutya okwa pona iingangamithi yocacaine yili moludhi lwoopela.
“Osha kolekwa kutya Omunamibia okwa mangelwa moSouth Africa. Natango omufekelwa okuli moshipangelo sigo ngiika iinima ayihe mbyoka ya monika mepunda lye otayi pumo. Shampa a patulililwa oshipotha opo nee taka holoka mompangu,” Shakwambi ta ti.
Onzokundaneki yilwe yaSouth Africa yoDaily Maverick oya lopota kutya moomwedhi mbali dha piti opolisi moSouth Africa omwa mangelwa aantu yeli 10 mboka yayi moshilongo moka niingangamithi okuza kiilongo yilwe mwa kwatelwa omukiintu ngoka Omunamibia.