Auleria Wakudumo
Varonmgwa wosure zoprimare moOpuwo kapi ava kara mononkondwarongero awo unene kukakara komavango gokuzugumina yihando omu vana kukapapara nondja,yidwara, nayimwe ngoso ngoso yokuyadikisa mambo gawo ntani yimwe eyi vana kugazara asi kuvhura vakarandese.
Nosure edi yina gumu yangesi kuna kara edi dakara pepi nevango lyokuzugumina yihando ntani vamitili kuna kuvafura kukeverera vanona ava morwa awo vadiva nawa nawa asi ezuvake avayatjisa yihando.
Vanona vangesi kuna kara asi awo kuwiza unene kevango opo vana kumona asi ngesi vana ngesefa kuna kuyatjisa yihando.
Mokugwana vanona navenye, sure kwakara novanona ava vakara asi vamwe kuza mononkondwa ngurangura ntani vamwe kositenguko.
Morwa yitundwamo yangoso, vanona ava vakara asi kuwiza kositenguko awo kuza nye kevango lyoyihando ano ava wongurangura awo vamwe kufaura vene ezuva nalinye.
‘’Kukara nye kevango eli siruwo nasinye sinzi sovanona kuna kuyirugana eyi unene wontambondunge zoprimere morwa kuna kumona nzara unene kembo’’, yimo ana kutanta mitili gumwe goposure.
Nampili ngomu vakara nelikwamo lyokiugava nondja posure, nye vanona wokuhendauka sure hawe simpe kuna kuza komeho. Mukaro gwangesi kapi guna kara asi walye nondja tupu vana hara, nye koyili yimwe eyi vana kupapara morwa nampo awo kuna kugazara asi melikwamo lyangesi yimo nye navagwanena yimwe eyi vana pumbwa.
Sure kava yitente asi eparu lyedigu kuna kuninkisa vanona ava vapire kupakera erongo lyawo sinka ntani meho zawo.
Ntani kuna kuzuvhika asi vakurona nawo posiruwo simwe kugusa vana vawo posure vakaze kumwe kevango lyokuzugumina yihando.
Sure ezi zina kunyanda unene melikwamo lyangesi kuna kara Katutura projek school.
Mukurona sure gosure zaKaipangurue Ndumbu katente asi awo kuna kugwanekera kumwe novakurona ava vana kara asi vana vawo kuna kuza kevango eli, nye age kavamutanterere asi vanona owo nzara, ntani kuna kara asi kwato nondja kembo.
Sure ezi kwakara pepi nevango eli lyokuzugumina yihando. ‘’ nsene vanona nzara, kapi tavapurakene nawa ntani eparu lyawo komeho oko hawe nokuwapasi, makura yitundwamo yaw okapi ayiwapa kuna kara posure ndi ponze zosure,’’ yimo ana kutanta mukurona sure.