OUTAPI – Omakonaakono kutya iinima yongushu ya ingapi ya pila mositopola Shoprite kOutapi oge li natango metifa. 

Ositola yoShoprite ndjoka yili momatungo taga ithanwa “Outapi Town Town Square” oya pi okupendukila Etiyali, ihe omulilo inagu shiwika mpoka gwa zi. 

Omu k u l u ntu g wo p o l i s i moshitopolwa shaMusati Ismael Basson okwa ti, oshiningwanima shoka oye shi lopotwelwa mokati kuusiku, nokwa li ya kambadhala nomayakulo gotango okudhima omulilo opo gwaa taandele koositola dhilwe. 

“Kape na omuntu a mona oshiponga. Omulilo ogwa dhimwa, nonando gwa pula omasiku gaali opo ku kwashilipalekwe kutya ogwa dhima thiluthilu, oshoka olwithi olwa kala nokutsina,” ta popi ngaaka. 

Bas son okwa popi kutya ookadhimamul ilo ya dhimi omulilo ngoka oya zi koondolopa dhopopepi, oshoka ookadhimamulilo yomondoolopa yOutapi kakwa li taya vulu okulongithwa omolwamatompelo ge li po. 

Omugandji gomauyelele gwopolisi moshitopolwa shaMusati Anna Kunga okwa ti, omulilo ngoka ogwa tamakele konima yetungo hoka ku na omapungulilo. 

“Natango katu na uuyelele wothaathaa kutya omulilo ngoka ogwa zi peni,’’ ta popi ngaaka. 

Ta ti opolisi oya kala nokutula po omalandulathano opo oshigwana shaambolokotele mositola. 

Sho omutoolinkundana nguka a thiki pehala mpoka omaloli gookadhimamulilo okwa li taga tilile omeya, nolwithi talu tsina, omanga omakuma ga mbonyoka. 

Aaaniilonga yoShoprite mboka ya adhika po oya tindi okupopya naatoolinkundana okugandja uuyelele kutya omulilo ogwa tameke ngiini. 

Omukalimo gumwe gomOutapi ngoka a li a thikama mpoka okwa ti naye ke shi shoka sha holoka po, oku uvu ashike omulilo tagu pi anuwa koShoprite. 

“Ositola ndjoka oyo ye tu kwata muka mOutapi, ngashiingeyi otwa thigwa pomutenya sho ya pata,” ta po pi ngaaka. 

-vkaapanda@nepc.com.na