Abraham Mwanyekange 

Jesaya Nambudunga omukalimo womOniipa okwa pewa oufemba kepangelo opo a lwife efo lomadu ina li pitikwa momikunda. 

Nambudunga okwa kala oule wefimbo ta kundaneke ye ta lwifa efo lomadu momikunda okudja mo2021. Eenghono daye oda hepuluka eshi a pewa epitikilo opo a longe oilonga yaye paveta. 

Otaku hokololwa Nambudunga vali va nanafana nokukupingafana ookahandja nomunangeshefa wonhumba molwaashi a tula po omainda mondjila opo omatukutuku oo alit aa fe edu oha twikile okufa omadu. 

Nambudunga okwa kala ta lwifa efo lomadu la divilika momukunda  Ondado moshitukulwa Oshikoto. 

“Onda tota po ehangano ina li nyama kepangelo loku amenena po omidingonoko (NGO) nonda pewa noku li ondjapo yoku amenena omidingonoko moshilongo ashishe kouministeli wouhaku nonghalo nawa yoshiwana. 

Okwa tumbula kutya odjapo oye mupa oufemba neenghono opo a mone kutya omidingonoko oda amenenwa po. 

“ Paife ohandi dulu oku ya moshipala okufa omadu shiheli paveta,” Nambudunga ta ti. Okwa holola yo kutya ota ka kwashilipaleka kutya omalambo oo a fewa okwa tulwa moukwatya uli nawa opo kukeelelwe oiponga. 

“ ohandi indile kovanhu pouhandimwe opo va yambidide  ehangano eli opo tu longe oilonga nawa nokumona omidingonoko daamenenwa po”, ta holola ngaho. 

Nambudunga okwa indila komalelo opamufyuululwakalo va longele kumwe nehangano. 

Okwa indila oshiwana opo shi lopote ovo tava fe omadu shi he li paveta omanga oveta yokuamena omidingonoko tai piti nokutulwa moilonga 

Nambudunga okwa ti ovanapolitika novanangeshefa osho yo omalenga opamifyuululwakalo naa hulife po oku fa omadu molwaashi kashiwa noshanyika oshiponga. Okwe va indila opo va ka konge omikanda kouministeli womidingonoko opo va fe omadu paveta. 

– abbenghilai@gmai.com