Taimi Haihambo

Omukwashiwana umwe waZimbabwe weedula 40 okwa lopotwa kopilifi vati afila moshiponga shotuwa oshivike sha dja ko. 

Omupopiliko wopolifi moshitukulwa shaTjozondjupa Maureen Mbeha okwa ti oshiponga vati osha holoka moshitukulwa shaTjozondjupa eekilomita di li nhee popepi noKalkfeld okudja mOtjwarongo.

Nakuxulifa vati okwa li omukalimo waTjiwarongo, nokwa li ta shingi o Hyhundai SUV eshi yeke li denga mumwe noToyota Hilux double cab.

Nakushinga ohauto yoHilux vati okwa li ta shingi okudja kOtjiwarongo a finda kombinga yaKalkfeld, yee ta kendabala nee okuhenuka ohauto tai shingwa ihe na omalamba a yela nawa tai shingwa ya yukilila muye, omanga yee vati a li e li yikulilafana noHyundai, shoo osho shaetifa elidengo mumwe loihauto.

OHyundai vati oya li ya humbata ovatwaalelwa ve li vatatu, omukainhu weedula 41, osho yo ounona vavali veedula 5 no 11 aveshe ovakwashiwana vaZimbabwe. Omanga moHilux mwa li mu na omulumenhu weedula 51 (omushingi), okaana keedula 14, osho yo okaana keedula 10 aveshe ovakwashiwana vaNamibia.

Ovatwaalelwa aveshe ova ehama komalutu, nova tambulilwa moshipangelo shaTjiwarongo. Omakonaakono opolifi otaa twikile.