Kavivetererue Virere
Varugani womositata saVenduka woruha royihando kuna parapo asi tavatwikire nokunyoka kurugana morwa mfuto zawo ntani mukaro goyirugana gwahepa kuwapa. Enyoko kuza koyirugana, eli lyatamekere mo 9 October 2025, ngesi kuna kuza nye moyivike yivali.
Epiro kuza koyirugana kuna hamenemo wokuzeresa doropa ava vakara asi wokudamuna yindorohwa, kuzeresa nonzira omu hena avazeresa oku vatunga vantu ntani komavango gonongesefa gakara mositata. Mbunga zovarugani vanaturapo tunzugo omu vana kurara edi vanadike pokatji kaDortmund ntani Newcastle nonzira ngoso odo, dakara koChinatownomu vana tokora asi awo tavakara poopo dogoro maudigu gawo vagagusepo.
John Paporo, ogu gahuyungire gokurugana omu navagendesa yihando, katente asi epiro kuza koyirugana kuna kara asi kwawizirapo morwa vakurona vawo moyirugana kapi vana kuvapurakena vagusepo udigu wawo wokuhamena konzambi ntani kuhamena yirugana yawo.
Varugani kavageve runyegenyo rwawo omu yakara asi nzambi zawo kwasikama tupu, awo kurugana yirugana yawo nye kwato eyi avagwanenempo. ‘’ Varugani ava kapi vana kupura yoyinzi unene,’’ nye ose kuna hara tupu vakondi vetu vatante asi vagwana eyi twavatumiona vayitarurure. ‘’ Ose ngesi kuna hara kuyizogera, ose ngorooro natuhingira apa dogoro sitata sizuvhe maudigu getu. Yimo ana kugwedako. Sinzi sovarugani ava kuna kutanta asi yimaliwa eyi vana kugwana yisesu, mokugazara asi ngapi noyiruganesa eparu lyazeruka ngesi. Gumwe murugani kapilire kuhara kutumbura Edina lyendi, katente asi; ‘’ Ose kwalituramo nkenye ezuva mokutura asi sitata sahepa kuzera, nye ezazu lyetu kapi lina kuliza neyi atugwana. Ose tuna wapere kututekura nawa ntani vahepa kututekura nawa ava vatupa yirugana. Muhuyungilipo gositata, Lydia Amutenya kayinkondopekere asi epiro kuza koyirugana pabveta lina kara morwa vagwana epulisiro kupira moveta zovarugani ano varugani wondango nawo vasikisamo omu yawapera.
Ndango zodoropa kunakra asi azo kuna kusikisamno omu nonoveta dawo nadinye unene kwava vakara asi varugana wokukarereramo, kevango lyoyihando kutunda tupu mo 9 October 2025,’’ yimo ana kutanta. ‘’ Egano lyetu kuna kara asi enyoko kuza koyirugana yahepa kukara yopaveta, pampora, ntani twahepa kuyimona asi kapi yina kureta udigu kovantu peke, yimo ana kugwedako.
Amutenya katente asi awo kuna kutara asi ngapi navawapukurura mukaro goyirugana govantu vawo, kutara etokoro vatulirepo mo 2018 apa vatokwere asi vahepa kukara novantu vana kuzeresa doropa, vagusepo eyi vakere nayo yokuhundira vantu woponze asi vana zerese. Age katente asi varugani ava wokuzeresa kugwana mokwedi yimaliwa yokusika ko N$5 095. 70 omu muna hamene nzambi zene moN$3300, ugendero kugwana N$800 muna hamene nye yokukagwana nsene ono hageke yirugana ntani nsene kuna kuvera nayo kuyivapa.
Nampili ngomu kwakara nye asi yirugana yinzi avarugana, ose nose ngesi kuna kutarurura nye kweyi kavageve vene varugani yimo ana kutanta Amutenya. Egano lyawo natulitwara nye kondango zodoropa omu navakazi tarurura mwaOctober.
Vagendesi wositata navagwanekera kumwe novarugani ava mokupitira movakarelipo vawo, omu nye tuna kutulisapo maliyongo aga nagaretesapo uwa,’’ yimo ana kutanta. Sitata sina turapo nongendeseso dimwe, asi koruha royihando kwaha wiza marangapeko nkenye mokudamuna yihando omu vana kuhundira asi varugani ndi vaweki mambo varugane moomu avayirugana nare nomosiruwo nye esi sepiro kuza koyirugana varugani. ‘’ Ose tuna lituramo mokugava sirugana sosiwa kovantu ventu moomu yawapera. Amutenya yimo ngoso ana kutanta.