Taimi Haihambo
Mahoroworo aga gana kuwiza konomukunda horowero naga gonodoropa, moOmusati omu muna kara mavango 12 govakansela vana kukondjera, omu yina kara asi ava vane kuna kukarumbasana rwauvali ano ava ntantatu kuna kara wovape. Mokugwedako owo vane kuna kukarwanena nawo mavango ntani kuna kukakarerapo mbunga mpangeli zaSWAPO. Mukwatakanesi gombunga zaSWAPO Sacky Kyone, kayitamwinine asi vakandindate ava kapi vana kara nomanifesto zavene. ‘’
Awo kuna kukakarerapo mbunga zaSWAPO makura awo kuna kara nye monda zombunga ezi. Ano nsene varetesapo manifesto nkenye tazikara zina kuretesapo mapiyagano omu naturugana nokutura yirugana mondinda. Yimo ana kufaturura ngoso.
Kayone katente asi marongikido kuhamena mahoroworo ngesi kuna kutwima., muna hamene yokutara mavango gokuhorowera, ntani kutura yimbapira yina kara mafano govakandindate.
Mafano govakandindate navagatutra komavango ngwendi yitora, nosure, yipangero, ntani konopara nye domarutjeno mwaza doropa omu nayipa nye vahorowoli udivi asi ngapi ngava kahorowora.
Age simpe katente asi nonkambadaro nadinye kuna kudirugana yipo vantu vadive asi ngapi ngavakahorowora, mokukwama ediveta lyetu lyosirongo saNamibia asi pwahakara nkohankohwi. Gumwe govakansela ogu ana hara vamuhorowore hena kuna kara kansela Festus Petrus gomo Onesi, omu ana karamu ngesi nomvhura 5, ogu ana kukarumbasana hena rwauvali.
Momapuragero kumwe nosayitunga zaNew Era, Petrus katente asi yinke yina kara melikwamo, mokutumburako makero gomema gana kutunda koRakana Water supply, omu navakawapukurura nondama domema depevhu, kuna kawapukurura magwanekero, una ndima wonkarapamwe moOkolohagdi Royal omu naye navakara asi vahepa kugavera mahangu posiruwo sonzara.
Age simpe katente asi magano gana karapo kukawapukurura sipangero gona, esi asi vatere vantu wokusika ko 23 000 vatungiimo makura vana pumbwa sipangero somukunda. Ntani ewapukururo lyonosure dokusika ko 12.
Kugusako oyo 38 vakandindate vana kukarumbasana modoropa, omu nye mbunga zaSWAPO kuna hara kutura nayinye poruzera. Nayinye yahepa kuliza kukwama ediuiveta lyosirongo, omu nye kandindate ana kutumbwidira elitjindjo komatungo, ukanguki, ntani nondja domosirongo. Taimihaihambo2000@gmail.com