Taimi Haihambo

Christina Mbango omunamido 37, okwa lopotwa vati a kana oule weemwedi da fika punhano paife, ndele kape na ouyelele ile omadidiliko taa ulike a monika, nosha fiya ovapambele vaye momalimbililo.

Mbango oha longo pofikola yedina Shamangorwa Primary, moshitukulwa shaKavango East oko vati e lixula ko momafiku 19 Juli 2025, novapambele vaye ove mu ixula lwaxuuninwa eshi e va lekela kutya ota i koRundu.

Umwe womovapambele, Maria Magdalena Raisi, okwa lombwela oShipi FM kutya vo ova ninga omafiku itava kofa, nova ninga efimbo tave mu kongo moKavango East akeshe.

“Otwa kala hatu mu kongo okudja muJuli ndele fiyo onena inatu mu mona,” Raisi ta ti.

Okwa twikila kutya Mbango nghee ngaho a dalelwe a kane, ngaho vati opo ashike lwotete ta i ngaho ndele ke shivike apa a ya.

“Ovanambelewa vokombelwa yehongo ova kala nokudenga tava pula ouyelele u na sha naMbango, nohashi tu fiye lela twa wa pedu shaashi oshiluluma unene,” ta ti ngaho.

Mbango oku na ounona vavali. 

Nokwe va fiya momake ovapambele vaye.

Ongodi yaye nghee ya dimine fiku a ya koRundu. Eefelede daye kape na ou eshi apa e li. Opolifi oya patulula oshibofa shomunhu a kana, nonghee otai pula oshiwana shi va kongife ko.

Ovapambele ova ti ngeenge ope na ava ve mu mona, nava denge ko +264 81 757 12 95 ile va ka lopote kopolifi i li popepi.

-taimihaihambo2000@gmail.com