Omukiintu gwoomvula 19 anuwa okwa li a kwatwa koonkondo kaalumentu yane moGrootfontein koowili dhongula dhOsoondaha. Omukwatakanithi gomakonaakono giimbuluma gwopolisi moshitopolwa Otjozondjupa Deputy Commissioner Naukalemo Andreas moonkundatahana noNampa mOmaandaha okwa ti kutya gumwe gwomaafekelwa okwa mangwa po.   Andreas ta ti kutya omufekelwa nguka gwoomvula 25 okwa li a adhikilila ta longo iilonga mbyoka yuushadha  nokwa mangwa po, taku popiwa kutya omukadhona ngoka okwa li a adhika ta kugu molukanda moSoweto. 

“Aafekelwa yatatu moshinima shika natango onkene tu ya li mokashoko,” ta ti nngaaka. Moshiningwanima sha yooloka, aalumentu anuwa yatano ya homata oondjembo oya li ya yeke ofamili yaaCongo N$10 000 noongodhi ndatu motjiwarongo ongula yOlyomakaya. 

Oshiningwanima shika osha li sha ningwa molukanda Etambi. Andreas ta ti kutya ofamili ndjika yaakuluntu yatatu ye na oomvula  60, 42, 30 osho wo aanona ye li pokati koomvula heyali no11 oya li ya ponokelwa sho oombudhi ndhika dha li dha homata oondjembo dha li dha mbolokotele megumbo.
“oombudhi odha li dha kutha mo iimaliwa noongodhi ndatu,” ta ti ngaakaOpolisi oya koleka wo kutya ayejhe mbaka yatatu aakwashifgwana yaCongo, oye li oontauki kOsire noya li ya pitikwa ya ka landithe iinima yawo kOtjiwarongo. Inapu mangwa omuntu sigo oompaka nomakonaakono otaga tsikile.

-Nampa