Abraham Mwanyekange
Omushikingalo Joseph Muyamba nedina la shivika nawa Omufenhu WaNangula (24) okwa holola kutya otaka pitifa okavidio kongalo yaye oyo tai popi kombinga yohole pokati komulumenhu nomukainhu wOmuwambo.
WaNangula okwa ti okavidio otaka ka yelekanifa ohole yonale ya li hai tyapulwa nohole yopaife.
Okwa ti ohole yonale ovalumenhu ova li hava kufa efimbo opo va pandule ovakainhu ovo ve na ohole yoshili.
Muyamba odalele yomOmavela moshitukulwa shaShana.
Omufenhu waNangula okwa ti okwa mona ovashikuli vaye ongomashendjo.
“Okwa li shihalukifa okumona ovashikingalo vomadina akula tava landula nge komapandja okomalungula, novanhu vahapu okwa li ve udite ombili kwaashi andi imbi nawa melaka ledalelwamo lOshiwambo,” waNangula ta holola ngaho.
Okwa ti okangalo kaye kotete okwe ka pitifa odula ya dja
ko. Omufenhu natango opo tau uya mowela nawa shaashi mondabo ou na mo ashike eemwedi nhano. Nande mondabo e na mo ashike eemwedi nhano, okwa kwata ko ovanhu vahapu ovo ve mu panda unene molwokwiimba embwida ngaashi okurepa, okwiimba okwaito naikwao ihapu.
WaNangula ota dimbuluka eshi a shikulwa kovanhu vahapu komapandja opaungoba kutya okwa kala ashike ha tula ouvidio vaye va xupi komalungula ta imbi fiyo eshi fululako.
“Ondakala nokutula o vidio vange vahupi handi imbi. Ovanhu okwali veva hokwa novakala nokuvalongifa komapandja avo okomalungula, osho sha pange omukumo opo ndi pitife okangalo,” ta ti ngaho.
Muyamba okwa holola kutya oha imbi eengalo domaludi aushe konyala ngaashi: okurapa, dancehall, kwaito, afro pop oshoyo kwapi kwaito hano (oamapiano).
Muyamba okwa weda po ta ti okwa kala a hokwa okulandula Ovanamibia ngaashi tate Kwela molwaashi okwa kala hashiki eengalo dina omulyo notadi kalele.
Ta ti sho osho fiyo opaife ovanhu otave di pwilikine nonande keko vali.
“Ame ohandi imbi hadi tangumuna oshiwambo moukwatya wokuteva nda futika ame andi tange omufyuululwakalo wetu neenghulughedi detu,”
Muyamba okwa ti okwiimba kwaye inaku ya elihongo laye moshipala. Okwa ti eshi a pitifa ongalo yaye lwotete.
Okuli nale modula yaxuuninwa nonda hangika handi li longekidile omakonaakono axuuninwa. WaNangula okwa ti okwa ndjabula shomupondo nokwa longa oshilumenhu moule wokafimbo kaxupi unene tuu okutula oungalo vaye komapandja aeshe opaungoba. Oungalo vaye ova monika komwaalu wovanhu vahapu ovo va hala ndiva mwenyeke.
“Ngaashi naana ndati okangalo hadi ka pitifa okeli kombinga yohole, onghene naka danwe pefimbo lohole,” WaNangula ta ti.
-abbenghilai@gmail.com