Abraham Mwanyekange

Onguti- kakukere tavamenya menya noruhafo posure zaOnguti secondary school moutano una puko, apa nye mbunga zaNamibia Institute of Pathology (NIP) paveta kavageve nye nokompuyuta 10 domulyo gokusika ko N$160 000. Ogu nye kakere tahuyunga posilika sangesi, NIP mukarelipo Beata Hangula katente asi NIP katokwere kureta uhwi ou kosure kukwama ehundiro lyawo bvatuliremo mokwedi kwaKudumonkuru 3, 2024. 

Sure nokompuyuta dawo danare kwazonauka eyi yareta matangayi mokuronga vanona. NIP sirugana sawo sosinene kwakara asi sokukona kona mauvera, nye twadiva asi muhoko gononkondo paukanguki kukara hena muhoko gononkondo kwankenye elikwamo. 

Erongo kuna kara nye simwe somutaro monkarapamwe,’’ yimo ana kutanta Hangula. Koruha rwendi, mukurona gerongo momukunda Oshikoto, Hilma Nuunyango-George kapandwire NIP kweyio vana gava uhwi wangesi. 

‘’ Nayina, uzuni kuna kuruganesa unkurungu. Varongwa vetu vahepa kukara noyiruganeso youhunga yipo vakare noudivi mokuza komeho, Nuunyango -George yimo ana kutanta. ‘’ nokompuyuta edi, nadi ninkisa nye kulironga nokuronga kuwape unene. 

Epangero kapi talivhuru kurugana nayenye lyelike. Tuna pumbwa vaholi vetu ngwendi NIP vavatere nosure detu. Age katente asi mokatji tuna kara komakonakono aga gana kuhoroka ngesi, nokompuyuta edi vahepa kudiruganesa ngesi, yipo divatere vanona vagwane yitundwamo yousili yoyiwa. E

gendeso lyerongo nawo navagava ruha rwawo mokutara asi erongo kuna kugendapo nawa, nokutara asi nokompuyuta vana ditura ko internet ntani kuna kurugana nawa. 

Age simpe kahundilire asi sure zahepa kukeverera nokompuyuta edi vahepa kuditakamesa unene, vahepa kudiruganesa nomvhura dononzi. 

Mukurona gosure, Salomo Ndeyamunye ya Ndeshimona nage kapandwire uhwi ou. ‘’ Ose tuna pandura unene koNIP kouhwi ou vanagava kosure. 

Eyi kuna kulikida mulyo gouholi wetu kuna kara gokuronga munona gomuNamibia mokumanamo.erongo kuna kara simwe esi natuligaununa, Ya Ndeshimona yimo ana kutanta. 

-amwanyekange@nepc.com.na