Evangio eli ava tjangurura asi lyokukondja ntani kupitamo noudigu, vantu wongandi vana kara asi awo kwatunga mosira sokudanena maudano gumwe gwawo kwatjanga nye eyi ana kurugana ntani ana kara nokakunino gona posiruwo sooso.
Ogu nye anatungu motente zokutavauka ntani zokuwora, vantu ava vatunga kosira oso moKhomasdal, ava vatwreko sioruwo sina gwahomokere mukisi goCovid-19, kwareta nye eli kwamo lyangesi vakare nehuguvaro.
Omu nye vana kulifanekesa kwavene, asi kwato mambo nye kapi vana kara asi yininke tupu yangoso,’’ sinzi sawo vana tameke kukuna yimeno ndi ehidi yipo vaparuke, awo kuna kunu nye kukundurukida mambo gawo nosira namuney sokudanena maudano kuna kumoneka ngwendi kwato mulyo nye awo kuna lituramo bvakare asi kapi vana kupapara hena ehidi.
Gumwe gomutungimo, kalitumbwire mwene asi Denzel, katente asi epangero kwayamugwene age ana rara, monda zontopa modoropa, komeho nye vamurete oku. Makura age yipo nye gayatameka kuya kuna ehidi yipo akare neyi yokulya yipo asi gaha ndindira tupu kepanmgero asi limuretere nayinye eyi ana hara ndi asi ana pumbwa. ‘’ Mukurwange, ame kwange, ame nina hafa kompito ezi vapange, omu epangero lyatupulisira asi tuyatunge apa.
Ame kwakere muntu gatungire mononzira tupu daVenduka, komeho ziwize Covid-19, nye apa nye ngesi hawe ame nina kara nokanzugo kange aka nina kutumbura asi embo,’’ yimo ana kutanta ngoso. ‘’
Siruwo nye oso nina kara apa, ame kwagazara ame nahepa kurugana niparuke pwanyamwange. Makura, yipo nye natameka kukuna eli epungu, muna kumona apa.
Ezi kuna kara asi yizo mpito natuvhura kuliparura nyamwetu apa nye tuna kundindra asi vantu tuna huguvara navatureterako ekonono lyoudigu wangesi,’’ yimo ana kutanta. Ngesi yikunino eyi yina wapa nawa kapi yina kara hena asi kulya tupu pembo, nye kuna kara asi osoe kunakuparuka nawa. Hawe kunakara nye evango lyokutunga ntani ehuguvaro po.
Meryna Bock nage mutungimo posira esi. Komeho zotente zendi kunakarako sikunona sonondungu ntani madamate.
Age nye mwendi, morwa kupira nye evango eli lina kara asi kwato yiwizamo yamuninkisa tameke kukara nakamwe. ‘’
Ose kwato yirugana ntani kwato yiwizamo eyi natukoverera asi yokuwizamo kehagero lyokwedi. Ame nohepa kupa vasesugona vange ava, natunga nawo, mokuyirugana eyi ntudi kooko kukara nosikunino gona.
Eyi kuninkisa nye eparu lyange likare lina wapa, morwa udigu wange taukara nye wokugazara tupu asi ngapi nanigwana usura wepungu, yipo niwapayike yisima,’’ age yimo ana kutantera munambudi ogu. Gumwe nage mutungimo, Sylvester Gevanni, age kwatungire mekuma eli vasigilira, komeho vakamurete ogu posiruwo soCovid-19.
Age katente asi eparu kosira somaudano hawe hansa nampili ngomu sakara nomaudigu gaso, nye age ngesi kuna kara no,mukumo meparu. ‘’ Ame kuna hafa unene.
Apa ngesi hansa nina kara nevango lyokutunga,’’ yimo ana kutanta. ‘’ Ame kulipyakidira mosirugana sokukuna makovi noyimeno yimwe yenyango,’’ yimo ngoso ana kugwedako. -mkambukwe@nepc.com.na